5–6 сакавіка ў манаскім доме айцоў піяраў у парафіі Унебаўзяцця Найсвяцейшай Панны Марыі ў Лідзе (мк-н Індустрыяльны) адбыліся духоўныя сустрэчы для юнакоў ва ўзросце ад 14 гадоў. Духоўныя практыкаванні былі прысвечаны добрай споведзі.

У сустрэчах, якія праводзіў а. Аляксандр Махнач SP, піярскі душпастыр пакліканняў у Беларусі, прымалі ўдзел 14 юнакоў з піярскіх парафій са Шчучына і з Ліды-Індустрыяльнага.

У межах духоўных практыкаванняў у час Вялікага посту прысутнічала супольная малітва, разважанне над Божым словам, адарацыя Найсвяцейшага Сакрамэнту, споведзь, Эўхарыстыя, тэматычныя сустрэчы, размовы са святаром-піярам.

У гэтыя два дні юнакі мелі магчымасць адчуць атмасферу малітвы, бліжэй пазнаёміцца з жыццём ордэна піяраў, харызмай якога з’яўляецца выхаванне і навучанне дзяцей і моладзі. 

Малітоўныя сустрэчы ў айцоў піяраў даюць магчымасць умацаваць сяброўства з Хрыстом, каб адкрыць сваё жыццёвае пакліканне.

А. Аляксандр Махнач SP
Фота Сяргея Масло