9 красавіка прадстаўнікі Вышэйшай духоўнай семінарыі ў Гродне па традыцыі наведалі Радунскі дзіцячы дом-інтэрнат.

Семінарысты пад кіраўніцтвам рэктара і прэфекта падрыхтавалі для дзяцей забаўляльную праграму. Выступаў семінарыйны гурт «Ave», праводзіліся конкурсы, за ўдзел у якіх можна было атрымаць узнагароду. Таксама для дзяцей была падрыхтавана катэхеза.

На заканчэнне праграмы адбыўся футбольны матч паміж камандамі дома-інтэрната і семінарыі.  

Карыстаючыся магчымасцю, семінарысты запрасілі выхаванцаў дома-інтэрната да сябе, таму наступная сустрэча адбудзецца ў сценах Вышэйшай духоўнай семінарыі ў Гродне.

(AG)