13 красавіка ў капліцы Вышэйшай духоўнай семінарыі ў Гродне адбылася ўрачыстая святая Імша як знак падзякі за 25-годдзе існавання Гродзенскай дыяцэзіі і за дар адраджэння жыцця Каталіцкага Касцёла на беларускіх землях. Імшу ўзначаліў біскуп Гродзенскі Аляксандр Кашкевіч.

Дзень 13 красавіка 2016 г. выключны ў гісторыі Каталіцкага Касцёла ў Беларусі, там што ў гэты дзень Гродзенская дыяцэзія адзначае сярэбраны юбілей з моманту свайго заснавання, а таксама біскупскай намінацыі сённяшняга ардынарыя дыяцэзіі Аляксандра Кашкевіча.     

Падчас Эўхарыстыі семінарыйная супольнасць павіншавала біскупа і выказала падзяку за яго няспынную падтрымку і клопат аб лакальным Касцёле, добразычлівасць і шчырасць, айцоўскую любоў і мудрасць, якой іерарх агортвае кожнага.

(AG)