Папа Францішак у сваіх прамовах часта заклікае сведчыць аб сваёй веры не толькі словамі, але, у першую чаргу, праз прыклад свайго жыцця. Гэтаму вучацца семінарысты з Вышэйшай духоўнай семінарыі ў Гродне падчас наведвання дзіцячых дамоў-інтэрнатаў у розных кутках дыяцэзіі.

На гэтым тыдні навучэнцы семінарыі ў чарговы раз сустрэліся з дзецьмі-інвалідамі ў вёсцы Галавічполле.

Таксама яны ўпершыню наведалі Мураванскі дом-інтэрнат, у якім адбыўся футбольны матч паміж мясцовай камандай і семінарыстамі. Пасля спаборніцтва гасцей запрасілі на кубак гарбаты, каб яшчэ бліжэй пазнаёміцца і паразмаўляць на тэмы, якія найбольш хвалююць падлеткаў.

Час, праведзены сумесна, не толькі натхніў і духоўна падмацаваў прысутных, але і яшчэ раз дазволіў семінарыстам адчуць невымоўную асалоду ад магчымасці дзяліцца самым каштоўным у іх жыцці – досведам асабістай сустрэчы з бясконцай Божай любоўю ў штодзённасці.

Яўген Амасёнак,
фота аўтара