У парафіі Св. Міхала Арханёла ў Навагрудку па ініцыятыве пробашча кс. Юрыя Жэгарына прайшоў творчы вечар «Рэха фестывалю» з удзелам старшыні фестывалю «Magnificat» рэжысёра Юрыя Гарулёва і прадстаўнікоў аргкамітэту.

Сярод 40 дакументальных стужак — прызёраў фестывалю мінулых гадоў — гэтым разам у Наваградку былі прадэманстраваны два фільма. Гэта стужкі польскіх рэжысёраў Кшыштафа Журоўскага «Танга Папы» (пра Папу Францішка, яго глыбокую веру і сувязь са сваёй радзімай), а таксама фільм Мацея Грабысы і Міхала Круля «Быць коптам» (пра крывавы пераслед хрысціян-коптаў у Егіпце падчас і пасля рэвалюцыі 2011 года).

Па словах арганізатараў, паказаныя стужкі выклікалі глыбокае эмацыйнае перажыванне за лёс пераследаваных хрысціян на Усходзе, а таксама сімпатыю да традыцый краіны, у якой нарадзіўся Папа Францішак.

Пасля прагляду гледачы абменьваліся ўражаннямі, а таксама скарысталі магчымасць задаць пытанні Юрыю Гарулёву. Яны датычылі як развіцця фестывалю ў цэлым, пашырэння яго аўдыторыі, так і магчымасцяў наступных праглядаў фільмаў у межах «Рэха фестывалю».

Якая парафія прыме ў сябе эстафету «Рэха» наступнай?

Ініцыятыўная група аргкамітэту «Magnificat» гатовая прыехаць у любую парафію Беларусі з фільмамі, якія парафіяне могуць выбраць у тым ліку самастойна для прагляду ў каталогу на інтэрнэт-старонцы фестываля signis.by.
Для запрашэння «Рэха фестывалю» ў сваю парафію арганізатары просяць звяртацца да прадстаўнікоў аргкамітэту:

Мінска-Магілёўская архідыяцэзія і Віцебская дыяцэзія:

• Юрый Гарулёў: +375 29 6162365

Пінская дыяцэзія:

• бр. Карнэлій Консэк SVD: +375 29 2273884
• кс. Ян Глінка SVD: +375 29 6481211
  

Гродзенская дыяцэзія:

• Аляксандр Лавыш: +375 29 3496303
• Ганна Віткоўская: +375 29 2852628

(ils)