14 мая, напярэдадні ўрачыстасці Спаслання Духа Святога, у парафіяльнай святыні Узвышэння Святога Крыжа ў Лідзе падчас святой Імшы больш за 70 вернікаў атрымалі сакрамэнт канфірмацыі. Сакрамэнт удзяліў дапаможны біскуп Гродзенскай дыяцэзіі Юзаф Станеўскі.

У прывітальным слове моладзь прасіла іерарха аб удзяленні сакрамэнту, да прыняцця якога рыхтавалася некалькі гадоў.

Напрыканцы ўрачыстай Імшы маладыя вернікі і іх бацькі падзякавалі біскупу за ўдзелены сакрамэнт. Таксама яны выказалі падзяку пробашчу парафіі ксяндзу Уладзіміру Гуляю, ксяндзу Уладзіславу Сурвілу і сястры Кляры за дапамогу ў падрыхтоўцы да прыняцця гэтага сакрамэнту хрысціянскай сталасці.

Біскуп Юзаф Станеўскі ў сваю чаргу падзякаваў святарам, сёстрам назарэтанкам і ўсім прысутным вернікам за супольную малітву.

Ул. кар.