25 мая ў парафіі Св. Тэрэзы Авільскай у Шчучыне адбылося заканчэнне катэхетычных заняткаў для вучняў 10 класаў, якое традыцыйна звязана са святкаваннем гадавіны прыняцця сакрамэнту канфірмацыі.

Першая частка сустрэчы праходзіла ў парафіяльнай святыні, дзе сабраная моладзь дзякавала Богу за прыняты ў мінулым годзе сакрамэнт хрысціянскай сталасці.

Пасля святой Імшы адбылася забаўляльная частка сустрэчы: смажанне каўбасак і разнастайныя конкурсы.

На падсумаванне прысутныя атрымалі пасведчанні аб заканчэнні заняткаў па рэлігіі.

А. Віталій Слука SP

Фота Сяргея Хільмановіча