На працягу года дзяцей з абмежаванымі магчымасцямі рыхтавала да прыняцця Першай Камуніі св. Аліцыя Шадурская з супольнасці школьных сясцёр Нотр-Дам у шпітальнай капліцы Маці Божай з Люрда.

На заканчэнне курсу падрыхтоўкі дзеці ў гэтай жа капліцы прынялі Першую Камунію, якую ўдзяліў капелан кс. Юрый Бяганскі.

У знак падзякі за прыняцце Першай Камуніі дзеці разам з бацькамі здзейснілі пілігрымку да Маці Божай Тракельскай. Сустрэча пачалася святой Імшой, потым дзеці і бацькі маліліся перад цудатворным абразом Маці Божай, просячы ласкаў для сваіх сем’яў.

Пасля пілігрымы правялі час на свежым паветры, гуляючы ў розныя гульні. Сустрэча завяршылася супольным абедам.