12 чэрвеня ў катэдральным касцёле св. Францішка Ксаверыя ў Гродне кс. Павел Скуба цэлебраваў прыміцыйную святую Імшу.

У гродзенскай катэдры новапрэзбітэр у свой час праходзіў дыяканскую душпастырскую практыку, маючы магчымасць пазнаёміцца з душпастырствам і рэлігійным жыццём парафіі.

Ксяндза Паўла Скубу прывітаў пробашч катэдральнай парафіі кс. канонік Ян Кучынскі, які пажадаў новапрэзбітэру ніколі не пераставаць узрастаць у стараннях, а заўсёды з вялікім запалам дбаць пра збаўленне людскіх душ.

Пажаданні з нагоды прэзбітэрскага пасвячэння выразілі кс. Паўлу таксама дзеці, моладзь і вернікі катэдральнай парафіі.

Cам кс. Павел Скуба прасіў вернікаў аб малітве ў яго інтэнцыі, каб як найлепш спаўняць свае душпастырскія абавязкі і быць добрым святаром для людзей, да якіх Касцёл яго пасылае.

(JM), (IL)