З 2 па 7 жніўня ў рэктаральным касцёле Перамянення Пана ў Навагрудку пры падтрымцы Рады па справах сям’і пры Канферэнцыі Каталіцкіх Біскупаў у Беларусі прайшла хрысціянская «Школа нараджэння», у якой прыняло ўдзел больш за 30 чалавек — сем’і, акушэры, урачы і інш.

Мэта адукацыйнага курса — у знаёмстве з прынцыпамі і метадамі нараджэння. Курс праводзілі інструктары, якія штогод на сваіх занятках збіраюць да некалькіх дзясяткаў удзельнікаў, што цікавяцца гэтай тэмай.

Варта адзначыць, што ў Беларусі пры парафіях ужо працуюць падрыхтаваныя асобы, якія скончылі такія курсы ў мінулыя гады. Падчас штодзённых сустрэч у «школах» вывучаюцца як тэарэтычныя, так і практычныя пытанні:

• Цяжарнасць і падрыхтоўка да родаў
• Натуральныя роды і каляродавая прафілактыка
• Практыкаванні, якія рыхтуюць да родаў
• Метад дыхання ў асобных фазах родаў, адпачынак
• Роды
• Фізічная і псіхалагічная гігіена ў час цяжарнасці, родаў, фізіялогія родаў
• Практыка пазіцый падчас родаў
• Страхі і неспакой, звязаныя з падрыхтоўкай да родаў, падрыхтоўка плану родаў
• Роды як падзея ў сям’і, роля бацькі ў родах
• Сумесная праца пары, якая рыхтуецца стаць бацькамі, з медыцынскім персаналам
• Апека над немаўлём
• Спавіванне і купанне немаўляці
• Кармленне грудзьмі – другая пупавіна
• Праблемы, звязаныя з лактацыяй
• Роля бацькі ў час кармлення грудзьмі
• Бацькоўства
• Прысутнасць Бога ў выпадку зачацця і развіцця дзіцяці
• Чаканні маці ў дачыненні да бацькі
• Дыялог з дзіцём

Наступныя курсы пройдуць у 2017 годзе.

А. Пётр Фраштэнга OCD, сакратар Рады па справах сям'і пры ККББ