Словы беларускай версіі гімна падрыхтавала Юлія Шэдзько, за музычную частку адказвае Алёна Кот. 

Як распавёў Catholic.by адзін з кіраўнікоў праекта а. Сяргей Трысцень OCD, прэзентацыя выніковай версіі беларускамоўнага гімна СДМ-2016 у Кракаве запланавана на канец верасня. 

«Падрыхтоўка гімна — адзін з дадатковых спосабаў далучыць нашу моладзь да падрыхтоўкі да Сусветнага дня моладзі, які ў наступным годзе пройдзе ў Кракаве, — кажа а. Сяргей. — Я задаволены тым, як ідзе праца — шмат людзей адгукнулася і прапанавала сваю дапамогу. Сярод дыяцэзіяльнай моладзі адчуваецца вялікая зацікаўленасць ў падрыхтоўцы гэтага працэсу».

Раней адмысловы ролік з падрыхтоўкай да СДМ-2016 быў прадстаўлены моладдзю Гродзенскай дыяцэзіі.