У нядзелю 17 студзеня 2010 г. Святы Айцец Бэнэдыкт XVI наведае сінагогу ў Рыме. Візіт Пантыфіка звязаны з адзначэннем дню паглыблення і развіцця дыялога паміж католікамі і юдэямі, які па традыцыі папярэднічае Тыдню малітваў за адзінства хрысціянаў.

Таксама ў гэтым годзе 17 студзеня адзначаецца свята рымскай іудзейскай супольнасці, якая мае назву Moed di Piombo. Свята звязана з цудоўным уратаваннем іудзейскай супольнасці Рыма ад пажару, які адбыўся ў 1793 г. па віне жыхароў горада. Агонь суняўся дзякуючы раптоўнаму ліўню. Свята існуе як адмаўленне пераследаў і антысемітызму.