14 лістапада Святы Айцец Бэнэдыкт XVI прыняў ліванскага палітыка Саада Харыры, які ўзначальваў урад Лівана ў 2009–2011 гг. Візіт Саада Харыры адбыўся праз два месяцы пасля апостальскага падарожжа Папы ў Ліван і праз некалькі дзён пасля наведвання краіны старшынёй Папскай рады «Cor Unum» кардыналам Рабэрам Сара.

Саад Харыры — сын забітага ў 2005 г. прэм’ера Лівана Рафіка Харыры. Палітык сустрэўся таксама з сакратаром па справах адносінаў з дзяржавамі Дзяржаўнага сакратарыяту Ватыкана арцыбіскупам Дамінікам Мамбэрці.

(AG)