19 сакавіка, у дзень сваёй інаўгурацыі, Святы Айцец Францішак пасля ўрачыстай цырымоніі прыме ў Клементыйскай зале Апостальскага палаца дэлегацыі хрысціянскіх Цэркваў і іншых веравызнанняў. На цырымоніі інаўгурацыі прысутнічаюць 33 дэлегацыі ад розных веравызнанняў.

Упершыню з 1054 г. на інаўгурацыі Папы прысутнічае Патрыярх Канстанцінопальскі Барталамей. Як адзначаюць СМІ, гэта важны сігнал, які ўказвае на імкненні да ажыўлення экуменічнага дыялога.

Рускую Праваслаўную Царкву прадстаўляе дэлегацыя на чале са старшынёй Аддзела знешніх царкоўных сувязяў Маскоўскага Патрыярхату Мітрапалітам Валакаламскім Іларыёнам.

На цырымоніі прысутнічаюць таксама праваслаўныя іерархі іншых краін.

(AG)