Кардынал Курт Кох, старшыня Папскай рады спрыяння хрысціянскаму адзінству, прабывае з візітам у Арменіі. 23 верасня 2012 г. іерарх сустрэўся з кіраўніком Армянскай Апостальскай Царквы Патрыярхам Гарэгінам ІІ.

У ходзе сустрэчы Патрыярх пацвердзіў жаданне далейшага супрацоўніцтва і сяброўства з Каталіцкім Касцёлам. Іерарх падкрэсліў, што сведчаннем добрых адносінаў з’яўляецца экуменічная дапамога ў фармацыі армянскага духавенства, дзякуючы якой яно можа атрымліваць адукацыю ў каталіцкіх навучальных установах.

Са свайго боку кардынал Кох адзначыў, што для яго вялікі гонар прабываць у краіне, якая першай прызнала хрысціянства ў якасці афіцыйнай рэлігіі і чыя гісторыя і культура прасякнута верай.

Іерархі абмеркавалі таксама выклікі, якія стаяць перад хрысціянамі ў Арменіі, дзе тыя зведалі пераслед у савецкія часы, а сёння знаходзяцца перад пагрозай рэлігійнай абыякавасці.

(AG)