«Сведчанне міру — гэта самае поўнае выражэнне любові», — такую думку выказаў кіраўнік Вайсковага ардынарыяту Італіі арцыбіскуп Вінчэнца Пэльві. Іерарх адзначыў, што, калі вайскоўцы жывуць у любові і братэрстве паміж сабой, то сваёй дзейнасцю яны спрыяюць магчымаму міру.

Разважаючы над адносінамі паміж верай і мірам у інтэрв’ю Ватыканскаму радыё, арцыбіскуп Пэльві падкрэсліў, што, на яго думку, Бэнэдыкт XVI сваім навучаннем імкнецца заклікаць вайскоўцаў ва ўсім свеце адмовіцца ад ідэі «справядлівай вайны» і замяніць яе ідэяй «магчымага міру». Мы ўсе павінны пераконваць, што гэта магчыма з дапамогай Божай ласкі, але таксама праз уклад кожнага асобнага чалавека. Вайскоўцы, як і іншыя людзі, носяць у сабе жаданне трасцэндэнтнасці і натуральна, што павінны існаваць для міру. Этыка адзінства, братэрства і надзеі, якой спрыяе дзейнасць вайсковых ардынарыятаў, адкрывае сэрцы і розум на найвышэйшую форму справядлівасці, якой з’яўляецца спакой Хрыста прымірыцеля.

(SZh)