Арцыбіскуп Парыжа і адзін з чатырох сустаршыняў Сінода Біскупаў кардынал Андрэ Вэн-Труа заявіў, што назіральнікі, якія спадзяюцца на заўважныя змены ў вучэнні Касцёла, «будуць расчараваныя».

«Калі вы прыехалі ў Рым з думкай, што станеце сведкамі рэзкай перамены ў дактрыне Касцёла, вы будзеце расчараваныя», — сказаў іерарх на прэс-канферэнцыі ў Ватыкане.

«Каб зразумець гэта, вам не патрэбны Сінод. Дастаткова было слухаць гаміліі Папы на тэму сям'і кожны тыдзень падчас ягоных публічных аўдыенцый», — дадаў іерарх.

З аналагічнай заявай выступіў арцыбіскуп Бруно Фортэ, спецыяльны сакратар Сінода, які адзначыў, што СМІ памылкова кажуць пра падзел біскупаў на дзве партыі.

«Мы [усе] пастыры, поўныя веры і адкрытыя на Бога», — сказаў арцыбіскуп Фортэ.

Catholicherald.co.uk (АлГ)