Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Каментарый да літургіі і малітва вернікаў на XXV Звычайную нядзелю, Год С (22 верасня)
Каментарыі да літургіі і малітва вернікаў
22.09.2013 18:16

Каментарый да літургіі

“…я заклікаю, каб прашэнні, малітвы, просьбы аб заступніцтве і падзякі ўзносіліся за ўсіх людзей…”

Сёння ў літургіі асаблівым чынам звяртаем увагу на малітву. Яна бывае часам лёгкай, часам цяжкай і пакутнай, да якой трэба доўга сябе заахвочваць. Молімся за Радзіму, за родных, за хворых і церпячых, за сябе, молімся ў цяжкіх справах аб заступніцтве і дапамозе. Але ёсць і тыя, пра каго мы не хочам памятаць у малітве – тыя, хто нас пакрыўдзіў, хто здаецца безнадзейным чалавекам, за ворагаў, за “цяжкіх” начальнікаў на працы і г.д.  Большасць часу памятаем пра гэтых людзей у сваіх асуджальных думках, а варта перамяняць іх у малітву.

Каментарый да літургіі слова

“Не можаце служыць Богу і мамоне”.

Сучасны свет заклікае чалавека да здабывання прыемнасцяў, паляпшэння свайго дабрабыту. Самі па сабе гэта добрыя рэчы – клопат пра матэрыяльны бок жыцця свайго і сваёй сям’і. Шмат дабра і дапамогі нясе нам тэхніка. Тэлевізар – веды пра сітуацыю ў свеце, мікрахвалёўка эканоміць час на разаграванне і прыгатаванне ежы і г.д. Але калі мы гэта ўсё ўжываем у разумных мерах, калі з’яўляемся самі ўласнікамі рэчаў, а не наадварот. Важна, каб нішто не замяняла нам Бога: ні грошы і праца, дзе іх здабываем, ні тэхніка, за якой праводзім часу болей, чым на малітве. Але горш за ўсё пералічанае можа быць толькі адмова ад заўважання гэтых праблемаў. Давайце ж вучыцца разважаць над тым, хто мой Бог і каму я служу.

Малітва вернікаў

Праз Езуса Хрыста ўзнясём нашыя малітвы да Айца Нябеснага

- Просім аб падтрымцы Касцёла і яго ўладаў, каб Дух Святы заўсёды чуваў над імі.
- Даручаем Тваёй любові ўсіх, хто кіруе дзяржавамі, няхай усе іх дзеянні будуць згоднымі з сумленнем.
- Улі ў сэрца людзей міласэрнасць і любоў, каб зразумелі, што войны не з’яўляюцца выйсцем з цяжкіх сітуацый.
- Падтрымай усіх тых, што пакутуе ад ваенных здарэнняў, няхай адчуюць Тваю прысутнасць у жыцці праз дапамогу людзей добрай волі.
- Умацуй хворых і церпячых, каб ахвяроўвалі ўсе свае цярпенні для збаўлення свету.
- Прымі ў сваё Валадарства ўсіх, хто пакінуў гэты свет, каб яны мелі шчасце сузіраць Цябе тварам у твар.
- Благаславі нас, якія сабраліся ля Твайго алтара, каб ніколі ў нас не забракла моцы і жадання прайсці праз вузкую браму збаўлення.

Просім Цябе праз Хрыста, Пана нашага. Амэн.

Падрыхтавала Рэгіна Гасанна Атрашкевіч ОРs

 

Пры выкарыстанні матэрыялаў сайта спасылка на Catholic.By абавязкова.

Каментарыі да літургіі і малітва вернікаў

07.07 11:36Каментарый да літургіі і малітва вернікаў на ХIV Звычайную нядзелю, Год А (9 ліпеня)
26.06 15:15Каментарый да літургіі і малітва вернікаў на ХIІІ Звычайную нядзелю, Год А (2 ліпеня)
21.06 14:34Каментарый да літургіі і малітва вернікаў на XII Звычайную нядзелю, Год А (25 чэрвеня)
16.06 13:13Каментарый да літургіі і малітва вернікаў на ХI Звычайную нядзелю, Год А (18 чэрвеня)
09.06 16:00Каментарый да літургіі і малітва вернікаў на Урачыстасць Найсвяцейшай Тройцы, Год А (11 чэрвеня)
29.05 10:46Каментарый на нядзелю Спаслання Духа Святога (4 чэрвеня)
22.05 10:23Каментарый на VII Велікодную нядзелю, Год А (28 мая)
17.05 12:02Каментарый да літургіі і малітва вернікаў на VI Велікодную нядзелю, Год А (21 мая)
09.05 11:35Каментарый да літургіі і малітва вернікаў на V Велікодную нядзелю, Год А (14 мая)
05.05 12:24Каментарый да літургіі і малітва вернікаў на IV Велікодную нядзелю, Год А (7 мая)