Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Каментарый да літургіі і малітва вернікаў на нядзелю Спаслання Духа Святога (24 мая)
Каментарыі да літургіі і малітва вернікаў
20.05.2015 20:12

Каментарый да літургіі

Сёння мы сустракаемся на Эўхарыстыі ва ўрачыстасць Спаслання Духа Святога. Як калісьці вучні Хрыста, гэтак мы сёння збіраемся ў Вячэрніку, каб скласці ахвяру Цела і Крыві Пана. Праз дар Духа Святога Бог абнаўляе нашыя сэрцы і перамяняе іх, каб мы маглі быць сведкамі Уваскрослага Пана.

Памолімся на гэтай святой Імшы, каб Святы Дух заўсёды прысутнічаў у нашым жыцці, каб мы выкарыстоўвалі Яго дары на карысць усёй супольнасці Касцёла.

Каментарый да літургіі слова

Падчас кожнай літургіі слова, таксама і сёння, Дух Святы праз Святое Пісанне вылівае ў наш розум і сэрца Божую навуку, якая запальвае «агонь любові». Менавіта Дух Святы, які прыходзіць у Слове, дазваляе нам зразумець таямніцы нашай веры і здзяйсняе ў нашым сэрцы цуды, якія адбыліся «ў пачатку абвяшчэння Евангелля».
 
Давайце прыслухаемся да Божага Слова, якое можа змяніць нашыя сэрцы.

Малітва вернікаў

Адкрыем нашыя сэрцы перад Богам і ўзнясём да Яго нашыя малітвы:

1. Молімся за Касцёл Божы, каб аднаўляўся сілаю Святога Духа. Цябе просім...
2. Молімся за Айца Святога Францішка, біскупаў і святароў, каб, асвечаныя святлом Духа Святога, набліжалі людзей да Бога. Цябе просім...
3. Молімся за нашую краіну, каб цешылася справядлівасцю і супакоем. Цябе просім...
4. Молімся аб новых пакліканнях да святарства і жыцця манаскага, каб Добрая Навіна абвяшчалася ўсім народам. Цябе просім...
5. Молімся за памерлых, каб Бог аказаў ім сваю міласэрнасць і дазволіў прабываць у Валадарстве Нябесным. Цябе просім...
6. Молімся за нас, прысутных пры алтары Пана, каб мы заўсёды былі верныя Богу. Цябе просім...

Дух Святы, які сабраў усе народы ў адзінстве веры, увайдзі і напоўні нашыя сэрцы сваёй ласкай, запалі ў нас агонь сваёй любові і абарані  ад усялякага зла. Які жывеш і валадарыш на векі вечныя. Амэн.

С. Людміла Леўдаровіч MChR

 

Пры выкарыстанні матэрыялаў сайта спасылка на Catholic.By абавязкова.

Каментарыі да літургіі і малітва вернікаў

07.07 11:36Каментарый да літургіі і малітва вернікаў на ХIV Звычайную нядзелю, Год А (9 ліпеня)
26.06 15:15Каментарый да літургіі і малітва вернікаў на ХIІІ Звычайную нядзелю, Год А (2 ліпеня)
21.06 14:34Каментарый да літургіі і малітва вернікаў на XII Звычайную нядзелю, Год А (25 чэрвеня)
16.06 13:13Каментарый да літургіі і малітва вернікаў на ХI Звычайную нядзелю, Год А (18 чэрвеня)
09.06 16:00Каментарый да літургіі і малітва вернікаў на Урачыстасць Найсвяцейшай Тройцы, Год А (11 чэрвеня)
29.05 10:46Каментарый на нядзелю Спаслання Духа Святога (4 чэрвеня)
22.05 10:23Каментарый на VII Велікодную нядзелю, Год А (28 мая)
17.05 12:02Каментарый да літургіі і малітва вернікаў на VI Велікодную нядзелю, Год А (21 мая)
09.05 11:35Каментарый да літургіі і малітва вернікаў на V Велікодную нядзелю, Год А (14 мая)
05.05 12:24Каментарый да літургіі і малітва вернікаў на IV Велікодную нядзелю, Год А (7 мая)