Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Каментарый да літургіі і малітва вернікаў на ўрачыстасць Найсвяцейшай Тройцы (31 мая)
Каментарыі да літургіі і малітва вернікаў
29.05.2015 23:35

Каментарый да літургіі

Кожнаму чалавеку зноў і зноў трэба разважаць над вядомай праўдай, што Бог стварыў чалавека з вялікай любові. І нават калі чалавек упаў вельмі нізка – Бог адкупіў яго праз сваю смерць і ўваскрасенне. Таксама з вялікай сваёй любові дае нам Духа Святога і застаецца з намі ва ўсе дні аж да сканчэння веку. Гэта павінна быць для нас крыніцай радасці і надзеі.

Сёння падчас літургіі мы засяроджваем сваю ўвагу на Святой Тройцы. Наш Бог Адзіны ў Тройцы. Гучыць як незразумелая і неспасцігальная таямніца нашай веры. Але калі паглядзім з іншага пункту гледжання, то ўбачым, што наш Бог вельмі блізкі. Ён нас разумее, любіць і вядзе нас па нашых жыццёвых шляхах.

Даверым Яму нашую штодзённасць: нашыя клопаты, радасці, хваляванні. Усё тое, што мы перажываем кожны дзень. Няхай Дух Святы дзейнічае ў нашым жыцці, каб маглі мы прыносіць плён і каб плён наш трываў.

Каментарый да літургіі слова


Сёння літургія слова тлумачыць нам, кім з’яўляецца Бог. Мы добра разумеем, што нашым чалавечым розумам мы не зразумеем Боскую таямніцу, але можам яскрава бачыць, што Бог нам вельмі блізка. Ён заўсёды прамаўляў да свайго народа. “Таму ведай цяпер і захоўвай у сэрцы сваім, што Пан ёсць Богам на небе ў вышыні і на зямлі ўнізе, і няма іншага”.
 
Але найбольшую радасць мы можам перажыць, калі чуем словы, што мы з’яўляемся дзецьмі Божымі. Гэта адкрывае нам Дух Святы. Але гэтую радасць мы не павінны затрымаць для сябе, мы павінны ёю дзяліцца, таму Езус Хрыстус загадвае нам: “Дык ідзіце і навучайце ўсе народы, і хрысціце іх у імя Айца і Сына, і Духа Святога. Вучыце іх захоўваць усё, што Я загадаў вам”.

Таксама ўражваюць і захапляюць Яго словы, што Ён застаецца з намі. Мы не адны ў гэтым свеце. Мы павінны заўважаць дзеянне Бога ў нашым жыцці, давяраць Яму і даваць магчымасць кіраваць нашым жыццём. Наш Бог побач, чаго мы павінны баяцца?

Малітва вернікаў

Да Бога, які пажадаў застацца з намі аж да сканчэння веку, з даверам узнясём свае малітвы і просьбы:

1. Молімся за Святога Айца Францішка і даручаны яму Касцёл, каб Дух Святы кіраваў і накіроўваў у розных цяжкасцях і праблемах.
Цябе просім…
2. Молімся за дзяцей, якія прынялі ў гэты час Першую святую Камунію, каб былі верныя Хрысту і Касцёлу.
Цябе просім…
3. Молімся за моладзь, каб Маці Божая была для яе прыкладам даверу Богу.
Цябе просім…
4. Молімся за місіянераў, каб іх апостальская дзейнасць была для іх крыніцай радасці і супакою.
Цябе просім…
5. Молімся аб супакоі ва ўсім свеце, каб дух адзінства панаваў на зямлі.
Цябе просім…
6. Молімся за нас, тут прысутных, каб неслі іншым радасць ад спаткання з Хрыстом.
Цябе просім…

Просім міласэрнага і любячага Бога, праз Хрыста, Пана нашага. Амэн.

С. Таццяна Гмыза SJE

 

Пры выкарыстанні матэрыялаў сайта спасылка на Catholic.By абавязкова.

Каментарыі да літургіі і малітва вернікаў

07.07 11:36Каментарый да літургіі і малітва вернікаў на ХIV Звычайную нядзелю, Год А (9 ліпеня)
26.06 15:15Каментарый да літургіі і малітва вернікаў на ХIІІ Звычайную нядзелю, Год А (2 ліпеня)
21.06 14:34Каментарый да літургіі і малітва вернікаў на XII Звычайную нядзелю, Год А (25 чэрвеня)
16.06 13:13Каментарый да літургіі і малітва вернікаў на ХI Звычайную нядзелю, Год А (18 чэрвеня)
09.06 16:00Каментарый да літургіі і малітва вернікаў на Урачыстасць Найсвяцейшай Тройцы, Год А (11 чэрвеня)
29.05 10:46Каментарый на нядзелю Спаслання Духа Святога (4 чэрвеня)
22.05 10:23Каментарый на VII Велікодную нядзелю, Год А (28 мая)
17.05 12:02Каментарый да літургіі і малітва вернікаў на VI Велікодную нядзелю, Год А (21 мая)
09.05 11:35Каментарый да літургіі і малітва вернікаў на V Велікодную нядзелю, Год А (14 мая)
05.05 12:24Каментарый да літургіі і малітва вернікаў на IV Велікодную нядзелю, Год А (7 мая)