Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Каментарый да літургіі і малітва вернікаў на XXIV Звычайную нядзелю, Год В (13 верасня)
Каментарыі да літургіі і малітва вернікаў
10.09.2015 17:00

Каментарый да літургіі

«Бо мае думкі — гэта не вашыя думкі, і вашыя шляхі — не мае шляхі, — кажа Пан. Бо як нябёсы ўзвышаюцца над зямлёю, так шляхі мае — над шляхамі вашымі,і думкі мае — над думкамі вашымі».

Мы, жывучы на Зямлі і займаючыся зямнымі справамі, далёка не ўсё
бачым і разумеем. Таму нам абавязкова патрэбна Божая мудрасць і дары Духа Святога.

Мы прыходзім на нядзельную святую Імшу, каб прасіць кіраўніцтва, мудрасці і разумення ў нашага Нябеснага Айца. Просім Яго, каб асвячаў нашае жыццё і кіраваў кожным крокам, бо без Яго мы нічога не можам.

Каментарый да літургіі слова


«Калі хто хоча ісці за Мною, няхай адрачэцца ад сябе, возьме крыж свой і ідзе за Мною».

Літургія Божага слова кажа нам сёння пра цярпенне. Як мы чуем з першага чытання, з кнігі прарока Ісаі, Езус Хрыстус сам згаджаецца на цярпенне. А ў Евангеллі мы сустракаемся са святым Пятром, які адкідвае цярпенне. Езус кажа яму словы пра крыж, а таксама кіруе іх да ўсіх нас.

Цяжка звычайнаму чалавеку зразумець неабходнасць цярпення, але дзякуючы Духу Святому мы павінны навучыцца прымаць яго без наракання і памятаць, што знойдзем сапраўднае жыццё, калі возьмем на сябе крыж, праз які атрымаем збаўленне. Гэтым крыжам могуць стаць для нас учынкі веры. Як жа цяжка нам часта выбраць дабро, праўду, справядлівасць, але проста веры нам не дастаткова — мы павінны паказваць яе хрысціянскімі ўчынкамі.

Просім Бога, каб даў нам мудрасць бачыць Божую волю адносна нас і сіл несці штодзённы крыж.

Малітва вернікаў


Богу, які кажа нам словы пра крыж, даверым свае праблемы і цяжкасці, а таксама узнясём свае малітвы і просьбы:

1. Молімся за Святога Айца Францішка і давераны яму Каталіцкі Касцёл, каб вучыў людзей надзеі, веры і любові.  
2. Молімся за краіны, дзе ідзе вайна, каб людзі вучыліся вырашаць канфлікты мірным шляхам.
3. Молімся за ўсіх дзяцей і моладзь, якія пачалі новы навучальны і катэхетычны год, кааб, адкрытыя на свет і дары Святога Духа, развівалі свае здольнасці і таленты.
4. Молімся за тых людзей, каму мы абяцалі сваю малітву, каб атрымалі неабходныя ласкі.
5. Молімся за памерлых, каб маглі сузіраць аблічча Міласэрнага Бога.
6. Молімся за нашу эўхарыстычную супольнасць, каб з кожным днём станавіліся больш дасканалымі і адказнымі хрысціянамі і з кожным днём набліжаліся да Хрыста.

Давяраем свае просьбы міласэрнаму Богу праз Хрыста, Пана нашага.
                                                                                                          
С. Таццяна Гмыза SJE

 

Пры выкарыстанні матэрыялаў сайта спасылка на Catholic.By абавязкова.

Каментарыі да літургіі і малітва вернікаў

07.07 11:36Каментарый да літургіі і малітва вернікаў на ХIV Звычайную нядзелю, Год А (9 ліпеня)
26.06 15:15Каментарый да літургіі і малітва вернікаў на ХIІІ Звычайную нядзелю, Год А (2 ліпеня)
21.06 14:34Каментарый да літургіі і малітва вернікаў на XII Звычайную нядзелю, Год А (25 чэрвеня)
16.06 13:13Каментарый да літургіі і малітва вернікаў на ХI Звычайную нядзелю, Год А (18 чэрвеня)
09.06 16:00Каментарый да літургіі і малітва вернікаў на Урачыстасць Найсвяцейшай Тройцы, Год А (11 чэрвеня)
29.05 10:46Каментарый на нядзелю Спаслання Духа Святога (4 чэрвеня)
22.05 10:23Каментарый на VII Велікодную нядзелю, Год А (28 мая)
17.05 12:02Каментарый да літургіі і малітва вернікаў на VI Велікодную нядзелю, Год А (21 мая)
09.05 11:35Каментарый да літургіі і малітва вернікаў на V Велікодную нядзелю, Год А (14 мая)
05.05 12:24Каментарый да літургіі і малітва вернікаў на IV Велікодную нядзелю, Год А (7 мая)