Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Каментарый да літургіі і малітва вернікаў на ІI нядзелю Вялікага посту, Год С (21 лютага)
Каментарыі да літургіі і малітва вернікаў
17.02.2016 00:52

Вялікі пост – перыяд навяртання, час супакою і духоўнай цішыні. Мы прыходзім сёння ў святыню на нядзельную літургію, каб падзякаваць Богу Усемагутнаму за асаблівы час выпрабаванняў нашай хрысціянскай веры.

Каментарый да літургіі

Вялікі пост – перыяд навяртання, час супакою і духоўнай цішыні. Мы прыходзім сёння ў святыню на нядзельную літургію, каб падзякаваць Богу Усемагутнаму за асаблівы час выпрабаванняў нашай хрысціянскай веры. Мы шукаем Божага аблічча і прагнем з’яднацца са Збаўцам у святой Эўхарыстыі, каб сваёй ласкай і любоўю міласэрны Айцец ачысціў нас ад старой грахоўнасці і перамяніў нашыя сэрцы.

Каментарый да літургіі слова

Літургія слова сённяшняга дня з Кнігі Быцця скіроўвае нашу ўвагу на заключэнне запавету з верным Абрагамам. Мы бачым выпрабаванне веры Абрагама і вернасць Бога свайму абяцанню. Абрам паверыў Пану, і Ён залічыў яму гэта як праведнасць.

Бог – адзінае святло і наша збаўленне, таму мы павінны сэрцам даверыцца Яму і спадзявацца толькі на Бога, шукаючы аблічча Ягонага. Калі мы цалкам даверымся Яму, тады Хрыстус пераменіць нашае цела ў падабенства свайго праслаўленага Цела.

Цудоўная перамена адбылася, калі Езус узыйшоў на гару памаліцца, узяўшы з сабою сваіх вучняў – Пятра, Яна і Якуба. Гэтая перамена адбываецца і з намі, калі мы трываем разам з Езусам на нядзельнай святой Эўхарыстыі, з якой мы чэрпаем моц для пераадолення розных выпрабаванняў і цяжкасцяў нашага жыцця.

Малітва вернікаў


Пакорна схіляючыся перад нашым Збаўцам, з глыбіні сэрцаў зараз узнясём да міласэрнага Бога свае малітвы:

1. Молімся за Айца Святога Францішка, каб, кіруючыся праўдаю святога Евангелля, асабліва падчас Вялікага посту, заклікаў людзей да навяртання і шчырага пакаяння. Цябе просім…
2. Молімся за ўсіх святароў, якія праводзяць велікапосныя рэкалекцыі, каб Божае слова, якое яны абвяшчаюць, прынесла вялікія духоўныя плёны ў сэрцах людзей для Божай хвалы. Цябе просім…
3. Молімся за навяртанне тых, хто доўгі час жыве ў стане граху, каб адкрылі свае сэрцы на дзеянне Божай любові і міласэрнасці. Цябе просім…
4. Молімся за моладзь нашай краіны, каб, нягледзячы на спакусы, выпрабаванні і выклікі сучаснага секулярнага свету, заўжды імкнулася трываць у адзінстве з Хрыстом. Цябе просім…
5. Молімся за дзяцей-сірот, якія не маюць бацькоў, каб адчулі айцоўскую падтрымку і мацярынскую апеку ад бліжніх, родных і знаёмых, а таксама любячага Бога. Цябе просім…
6. Молімся за людзей з рознымі формамі інваліднасці, каб сваім жыццём яны праслаўлялі Усемагутнага Бога і з’яўляліся сапраўдным прыкладам для тых, хто страціў сэнс жыцця і прабывае ў роспачы. Цябе просім…
7. Молімся за нас, сабраных каля алтара Пана, каб з кожным днём мы ўсё больш узрасталі ў цнотах веры, надзеі і любові, імкнучыся да святасці. Цябе просім…

Дапамажы нам, міласэрны Божа, праслаўляць Цябе ў штодзённай працы, у малітоўнай цішыні, каб памерці для граху і падняцца на новы ўзровень у духоўным развіцці. Праз Хрыста, Пана нашага. Амэн.

Анастасія-Алена Блусянкова

 

Пры выкарыстанні матэрыялаў сайта спасылка на Catholic.By абавязкова.

Каментарыі да літургіі і малітва вернікаў

07.07 11:36Каментарый да літургіі і малітва вернікаў на ХIV Звычайную нядзелю, Год А (9 ліпеня)
26.06 15:15Каментарый да літургіі і малітва вернікаў на ХIІІ Звычайную нядзелю, Год А (2 ліпеня)
21.06 14:34Каментарый да літургіі і малітва вернікаў на XII Звычайную нядзелю, Год А (25 чэрвеня)
16.06 13:13Каментарый да літургіі і малітва вернікаў на ХI Звычайную нядзелю, Год А (18 чэрвеня)
09.06 16:00Каментарый да літургіі і малітва вернікаў на Урачыстасць Найсвяцейшай Тройцы, Год А (11 чэрвеня)
29.05 10:46Каментарый на нядзелю Спаслання Духа Святога (4 чэрвеня)
22.05 10:23Каментарый на VII Велікодную нядзелю, Год А (28 мая)
17.05 12:02Каментарый да літургіі і малітва вернікаў на VI Велікодную нядзелю, Год А (21 мая)
09.05 11:35Каментарый да літургіі і малітва вернікаў на V Велікодную нядзелю, Год А (14 мая)
05.05 12:24Каментарый да літургіі і малітва вернікаў на IV Велікодную нядзелю, Год А (7 мая)