Фота Аўдыё Відэа  
be  ru  pl  en  de info@catholic.by
.
.
Гэта архіў старой версіі сайта. Новая версія знаходзіцца па адрасе catholic.by
Каментарый да літургіі і малітва вернікаў на ўрачыстасць Беззаганнага Зачацця Найсвяцейшай Панны Марыі
Каментарыі да літургіі і малітва вернікаў
08.12.2016 07:35

Каментарый да літургіі

«Няхай мне станецца паводле Твайго слова».

Сёння адзначаем урачыстасць Беззаганнага Зачацця Найсвяцейшай Панны Марыі. Разважаем пра Маці Божую і яе пакліканне. Яна не спазнала граху. Але, можна сабе ўявіць, як няпроста ёй было жыць у свеце, дзе людзі падманваюць адно аднаго, крадуць, жадаюць няшчасця. Перад імі яна была безабароннай. Даверым сёння нашае жыццё Беззаганнай, каб яна дапамагала нам у штодзённасці быць «людзьмі не з гэтага свету».

Каментарый да літургіі слова

Сёння ў літургіі слова мы бачым паставы дзвюх жанчын: Еву, якая не паслухала Бога, і Марыю, якая стала прыкладам паслухмянасці для ўсяго свету. Перад намі заўсёды стаіць выбар, слухаць словы Бога, давяраць Яму, ці хацець стаць «як Бог».

Сённяшняя ўрачыстасць паказвае нам прыклад чалавека, які ўсю сваю надзею, усё сваё жыццё аддаў у рукі Божага Провіду. Адказ Марыі — «няхай мне станецца паводле Твайго слова» — павінен стаць для хрысціяніна дэвізам яго жыцця. Будзем прасіць Беззаганную Маці, каб вучыла нас пакоры і бязмежнаму даверу Богу.

Малітва вернікаў

Праз заступніцтва Маці Хрыста, якую Бог адарыў асаблівай прывілеяй і захаваў ад усялякай заганы першароднага граху, молімся аб патрэбных ласках для ўсяго свету:

  1. Молімся за Каталіцкі Касцёл, каб захаваў сваю беззаганнасць Хрыстовай Абранніцы. Цябе просім…
  2. Молімся за Святога Айца і ўсё духавенства, каб прыкладам свайго ахвярнага служэння садзейнічалі пашырэнню Божага Валадарства на зямлі. Цябе просім…
  3. Молімся за нашу Радзіму, няхай Марыя ахоўвае нашыя душы ад бязвер’я. Цябе просім…
  4. Молімся за святароў, каб паказвалі людзям прыклад сапраўднай жывой веры. Цябе просім…
  5. Молімся за людзей, якія шукаюць сэнс жыцця, каб Марыя паказала ім Хрыста, які ёсць Дарога, Праўда і Жыццё . Цябе просім…
  6. Молімся за душы канаючых, каб Маці Божага Сына сустрэла іх у вечнасці. Цябе просім…
  7. Молімся за нас, тут прысутных, каб мы праз навяртанне сэрца і пакаянне імкнуліся да паяднання з Хрыстом. Цябе просім…

 

Пане Божа, прымі і выслухай нашыя малітвы, якія мы ўзносім да Цябе праз заступніцтва Беззаганнай Маці, Праз Хрыста, Пана нашага. Амэн.

С. Таццяна Гмыза SJE
Адноўлена 05.12.2016 17:41
 
для друку


Пры выкарыстанні матэрыялаў сайта спасылка на Catholic.By абавязкова.

Каментарыі да літургіі і малітва вернікаў

07.07 11:36Каментарый да літургіі і малітва вернікаў на ХIV Звычайную нядзелю, Год А (9 ліпеня)
26.06 15:15Каментарый да літургіі і малітва вернікаў на ХIІІ Звычайную нядзелю, Год А (2 ліпеня)
21.06 14:34Каментарый да літургіі і малітва вернікаў на XII Звычайную нядзелю, Год А (25 чэрвеня)
16.06 13:13Каментарый да літургіі і малітва вернікаў на ХI Звычайную нядзелю, Год А (18 чэрвеня)
09.06 16:00Каментарый да літургіі і малітва вернікаў на Урачыстасць Найсвяцейшай Тройцы, Год А (11 чэрвеня)
29.05 10:46Каментарый на нядзелю Спаслання Духа Святога (4 чэрвеня)
22.05 10:23Каментарый на VII Велікодную нядзелю, Год А (28 мая)
17.05 12:02Каментарый да літургіі і малітва вернікаў на VI Велікодную нядзелю, Год А (21 мая)
09.05 11:35Каментарый да літургіі і малітва вернікаў на V Велікодную нядзелю, Год А (14 мая)
05.05 12:24Каментарый да літургіі і малітва вернікаў на IV Велікодную нядзелю, Год А (7 мая)

 
© 2003-2024 Канферэнцыя Каталіцкіх Біскупаў у Беларусі		 Кантакты