21 жніўня 2011 г.
 
Дарагія сябры!

Хутка вы вернецеся дадому. Вашы сябры захочуць ведаць, як вы змяніліся пасля гэтага цудоўнага горада, з Папам і з сотнямі тысяч іншых маладых людзей з усяго свету. Што вы збіраецеся ім сказаць? Я заклікаю вас даць ім адважнае сведчанне хрысціянскага жыцця. Такім чынам вы будзеце нараджаць новых хрысціян і дапаможаце Касцёлу расці ў сэрцах многіх іншых.

21 жніўня 2011 г.
 
Дарагія юнакі і дзяўчаты,

я шмат думаў пра вас на працягу таго часу, калі мы не былі разам. Я спадзяюся, вы змаглі трошкі паспаць, нягледзячы на надвор’е. Я ўпэўнены, што з раніцы вы ўзнімалі свае вочы не раз, і не толькі вочы, але, перш за ўсё, вашы сэрцы, ператвараючы гэта ў малітву. Бог ператварае ўсе рэчы ў дабро. З гэтай упэўненасцю і верай у Пана, які ніколі не пакідае нас, давайце пачнём нашу святочную Эўхарыстыю, поўныя запалу і моцныя ў нашай веры.

20 жніўня 2011 г.
 
Дарагая моладзь,

я вітаю ўсіх вас, асабліва тых маладых людзей, якія задавалі мне пытанні, і дзякую ім за шчырасць, з якой яны выказалі свае праблемы, якія адлюстроўваюць тое, чаго патрабуе кожны з вас для дасягнення чагосьці вялікага ў жыцці, нечага, што можа прынесці вам задавальненне і шчасце.

20 жніўня 2011 г.
 
Ваша Эксцэленцыя,
Дарагія браты біскупы,
Паважаныя святары і кансэкраваныя асобы з Ордэна Гаспітальераў Святога Яна Божага,
Паважаныя ўлады,
Дарагія юнакі і дзяўчаты, сем’і і валанцёры,

я шчыра дзякую вам за вашае ласкавае прывітанне і сардэчны прыём.

21 жніўня 2011 г.

Дарагія валанцёры,

на заканчэнне гэтага незабыўнага Сусветнага дня моладзі мне захацелася затрымацца тут перад вяртаннем у Рым, каб горача падзякаваць вам за вашае каштоўнае служэнне. Гэта абавязак справядлівасці і патрэба сэрца. Абавязак справядлівасці, паколькі дзякуючы вашаму супрацоўніцтву маладыя пілігрымы маглі атрымаць сардэчнае прыняцце. Сваім служэннем вы надалі Сусветнаму дню моладзі аблічча мілага і сардэчнага клопату аб іншых.

Апостальская нунцыятура, 20 жніўня 2011 г.

Дарагія сябры,

з радасцю прымаю вас у гэтай Апостальскай нунцыятуры, каб моцна падзякаваць вам за ўсё, што вы зрабілі для арганізацыі гэтага Сусветнага дня моладзі.

Дзякую за прыемныя словы, якія скіравалі да мяне маладыя прадстаўнікі пяці кантынентаў. Сардэчна вітаю ўсіх тут прысутных маладых людзей з Акіяніі, Афрыкі, Амерыкі, Азіі і Еўропы, а таксама тых, хто не змог прыбыць сюды. Пастаянна памятаю і малюся за вас. Бог даў мне ласку ўбачыць і пачуць вас зблізку, каб супольна ўслухоўвацца ў Яго слова.

Дарагія маладыя сябры, я вельмі рады, што магу сустрэцца з вамі тут, у цэнтры прыгожага горада Мадрыда, бурмістр якога ветліва перадаў мне ключы. Сёння горад з’яўляецца сталіцай маладых людзей з усяго свету, на якую ўвесь свет скіроўвае свой позірк. Пан сабраў нас, каб у гэтыя дні перажывалі прыгожае сведчанне Сусветнага дня моладзі. Праз вашую прысутнасць і ўдзел ва ўрачыстасцях імя Хрыста будзе гучаць у кожным куточку гэтага слаўнага горада. Молімся, каб Яго пасланне надзеі і любові загучала таксама ў сэрцах тых, хто не верыць альбо аддаліўся ад Касцёла. Вельмі дзякую за падрыхтоўку цудоўнай сустрэчы мяне пры ўездзе ў горад — знак вашай любові і блізкасці з Наступнікам Пятра.

Касцёл Санта Марыя ла Рэал дэ ла Альмудэна, 20 жніўня 2011 г.
 
Ваша Эмінэнцыя, кардынал арцыбіскуп Мадрыда,
Шаноўныя браты ў біскупстве,
Дарагія святары і законнікі, рэктары і выкладчыкі,
Дарагія семінарысты,
Сябры,

вельмі рады, што маю магчымасць цэлебраваць святую Імшу з усімі вамі, хто жадае быць святарамі Хрыста, каб служыць Касцёлу і людзям. Удзячны вам за словы вітання, якімі мяне сустрэлі. Гэты катэдральны касцёл Санта Марыя ла Рэал дэ ла Альмудэна сёння з’яўляецца як быццам вялізным Вячэрнікам, дзе Пан Езус цэлебруе сваю Пасху з тымі, хто прагне здзяйсняць у Яго Імя таямніцу збаўлення. Бачачы вас, яшчэ раз усведамляю, што Хрыстус нястомна кліча маладых вучняў, каб учыніць іх сваімі апосталамі, каб працягвалася місія Касцёла і дар Эўхарыстыі для свету. Як семінарысты вы на шляху да святой мэты: быць тымі, хто працягвае місію, якую Хрыстус атрымаў ад Айца. Пакліканыя Ім, якія пайшлі за Яго голасам і былі прыцягнуты Яго позіркам любові, ідзіце шляхам святога служэння. Скіроўвайце ваш позірк да Яго, які праз сваё ўцелаўленне з’яўляецца найвышэйшым абвяшчальнікам Бога свету, а праз сваё ўваскрасенне з’яўляецца тым, хто верна выконвае сваё абяцанне. Дзякуйце Яму за гэты акт асаблівай любові да кожнага з вас.

ХХVI Сусветны дзень моладзі, Мадрыд, 18 жніўня 2011 г.

Ваша Каралеўская Вялікасць
Эмінэнцыя, кардынал арцыбіскуп Мадрыда,
Эмінэнцыі кардыналы,
Шаноўныя браты ў біскупстве і святарстве,
Найдастойнейшыя прадстаўнікі дзяржаўных, аўтаномных і лакальных уладаў,
Дарагія браты і сёстры з Мадрыда і з усёй Іспаніі,

Дзякую, Ваша Каралеўская Высокасць, за вашую прысутнасць тут разам з каралевай, а таксама за поўныя пашаны ветлівыя словы, якія Вы скіравалі да мяне ў прывітанні. Словы, якія нанова ажыўляюць незабыўныя праяўленні сімпатыі, аказаныя мне падчас папярэдніх падарожжаў у Іспанію, а асабліва падчас апошняй вандроўкі ў Санцьяга дэ Кампастэла і Барселону. Вітаю сардэчна ўсіх тут прысутных у Бараджасе і тых, хто сочыць за маім візітам праз радыё і тэлебачанне. З вялікім прызнаннем успамінаю таксама ўсіх, хто з вялікім запалам і адданасцю ў касцёльным і грамадскім асяроддзі садзейнічаў сваёй працай, каб гэты Сусветны дзень моладзі добра прайшоў і прынёс багаты плён.

Жадаю падзякаваць ад усяго сэрца за гасціннасць шматлікім сем’ям, парафіям, калегіумам і іншым установам, якія прынялі маладых людзей, прыбылых з усяго свету, спачатку да розных рэгіёнаў і месцаў Іспаніі, а цяпер да вялікага горада Мадрыда — касмапалітычнага і заўсёды адкрытага.

Я тут, каб сустрэцца з тысячамі маладых людзей, з католікамі, якія цікавяцца Хрыстом ці шукаюць праўду, што надае сапраўдны сэнс уласнаму існаванню. Прыбываю сюды як Наступнік Пятра, каб умацаваць усіх у веры, перажываючы некалькі дзён інтэнсіўнай пастырскай дзейнасці; каб абвяшчаць, што Езус Хрыстус з’яўляецца Дарогай, Праўдай і Жыццём; каб дадаць стымулу зацікаўленасці ў будаванні Божага Валадарства на зямлі, сярод нас; каб заахвочваць маладых да асабістай сустрэчы з Хрыстом Сябрам і такім чынам укараняцца ў Яго Асобе, перамяняцца ў Яго верных вучняў і адважных сведкаў.

 Чаму і з якой мэтай у Мадрыд прыбыла такая вялікая колькасць маладых людзей? Хоць адказ павінны былі даць самі маладыя людзі, можна з упэўненасцю сказаць, што яны жадаюць пачуць Божае слова, якое я прапанаваў ім у дэвізе Сусветнага дня моладзі, каб укаранёныя і збудаваныя ў Хрысце адкрывалі моц сваёй веры.

Многія з іх пачулі голас Бога, можа, толькі як лёгкі шум, які абудзіў іх да стараннага Яго пошуку і да дзялення з іншымі сведчаннямі моцы, якую дае голас Бога ў іх жыцці. Такое адкрыццё жывога Бога ажыўляе маладых людзей і адкрывае ім вочы на выклікі свету, у якіх жывуць, з яго абмежаваннямі і яго магчымасцямі. Бачаць павярхоўнасць, кансумізм і геданізм, шмат банальнасці ў перажыванні сексуальнасці, вялікі недахоп салідарнасці, вялікую сапсаванасць. І ведаюць, што без Бога будзе складана змагацца з гэтымі выклікамі і быць сапраўды шчаслівымі, укладваючы ўвесь свой энтузіязм у дасягненне сапраўднага жыцця. Аднак у Ім будуць мець святло, каб ісці, і прычыну, каб мець надзею, не спыняючыся на сваіх найвышэйшых ідэалах, якія матывуюць зацікаўленасць у будаванні грамадства, у якім паважаецца годнасць чалавека і сапраўднае братэрства. Тут, на гэтым Дні, маюць прывілеяваную нагоду прадстаўляць свае памкненні, дзяліцца багаццем культур і сведчанняў, узбагачацца на дарозе веры і жыцця, у якім некаторыя адчуваюць сябе
самотнымі ці пакінутымі ў сваіх штодзённых асяроддзях. Аднак яны не самотныя. Шмат іх равеснікаў мае тыя ж праблемы, але, цалкам давяраючы Хрысту, ведаюць, што перад сабой, насамрэч, маюць будучыню і не баяцца абавязкаў, якія надаюць поўню жыццю. Таму вялікая радасць напаўняе мяне, калі слухаю іх, разам малюся і цэлебрую з імі Эўхарыстыю. Сусветны дзень моладзі нясе нам пасланне як глыток чыстага, юнацкага паветра з абноўленым дыханнем, які напаўняе нас упэўненасцю ў будучыні Касцёла і свету.

Канечне, хапае і цяжкасцяў. Існуюць напружанні і адкрытая барацьба з крывапраліццем у шматлікіх мясцінах свету. Справядлівасць і найвышэйшая каштоўнасць чалавечай асобы лёгка падпарадкоўваюцца эгаістычным, матэрыяльным і ідэалагічным інтарэсам. Акрамя таго шмат моладзі з трывогай глядзіць у будучыню перад абліччам цяжкасцяў у пошуку годнай працы, ці згубілі яе альбо яна носіць толькі часовы і няпэўны характар. Іншыя патрабуюць увагі, каб не трапіць у сетку наркотыкаў, ці эфектыўнай дапамогі, калі, на жаль, ужо трапілі. Нямала і тых, хто праз веру ў Хрыста, у пэўных рэгіёнах і краінах адчуваюць дыскрымінацыю. Іх пераследуюць, жадаючы адлучыць ад Хрыста, пазбаўляючыся ад знакаў Яго прысутнасці ў публічным жыцці ці прымушаючы да маўчання нават пра Яго святое імя.

Аднак з поўнай моцай майго сэрца хачу сказаць маладым людзям: няхай ніхто і нішто не забярэ ваш спакой, не саромейцеся Пана! Ён без агаворак стаў адным з нас і спазнаў нашыя клопаты, каб занесці іх да Бога і такім чынам нас збавіў.

У такім кантэксце важным з’яўляецца дапамога маладым вучням Езуса ў моцным трыванні ў веры і прыняцці цудоўнай прыгоды яе абвяшчэння і адкрытага сведчання аб ёй уласным жыццём. Сведчанне адважнае і поўнае любові да свайго брата, моцнае і разам з тым разумнае, не хаваючы хрысціянскай ідэнтычнасці ў атмасферы поўнага даверу і суіснавання з іншымі выбарамі і патрабавання належнай павагі для ўласных.

Ваша Вялікасць, кажучы зноў пра сваю ўдзячнасць за ласкавае прывітанне, якое Вы аказалі мне, хацеў бы таксама выказаць сваю павагу і блізкасць да ўсіх народаў Іспаніі, а таксама захапленне краінай, багатай гісторыяй і культурай, дзякуючы жывучасці веры, якая  прынесла свой плён у выглядзе шматлікіх святых усіх часоў. Пакідаючы сваю зямлю, яны неслі Евангелле ва ўсе куткі зямнога шара. Гэта вялікі скарб, які з упэўненасцю заслугоўвае таго, каб мець яго як канструктыўны падыход для супольнага дабра і каб даваць святло гарызонту будучыні новым пакаленням. Хоць ёсць прычыны для турботаў, яшчэ большую заклапочанасць іспанцаў выклікае пераадольванне іх дынамізму, які іх характарызуе і які ў значнай ступені выкліканы іх глыбокімі хрысціянскімі каранямі, вельмі плённымі на працягу стагоддзяў.

Вітаю ўсіх дарагіх іспанскіх і мадрыдскіх сяброў і тых, хто прыбыў з іншых краінаў. На працягу гэтых дзён я злучуся з вамі, памятаючы таксама пра ўсіх маладых людзей свету, асабліва пра тых, хто перажывае час выпрабаванняў. Давяраючы гэтую сустрэчу Найсвяцейшай Панне Марыі, заступніцтву святых апекуноў гэтага Дня, прашу Бога, каб заўсёды благаслаўляў і асцерагаў дзяцей Іспаніі.

Вялікі дзякуй.