Вялікі пост — гэта шанс для тых, хто ўсведамляе, што з’яўляецца Божым скарбам, а не бязвольнай марыянеткай у руках Збаўцы. Такія людзі разумеюць, што Бог даў нам сапраўдную вольнасць і сапраўдную адказнасць, што кладзе перад кожным з нас жыццё і смерць, благаслаўленне і пракляцце, і што жадае, каб мы зрабілі мудры выбар. Вялікі пост патрэбны кожнаму, хто жадае абраць жыццё і благаслаўленне.

Таямніца Найсвяцейшай Тройцы аб’ядноўвае хрысціян і ўсіх людзей добрай волі – гэта было лейтматывам разважанняў Святога Айца перад малітвай “Анёл Панскі” 31 мая, ва ўрачыстасць Найсвяцейшай Тройцы. Папа заклікаў будаваць касцёльныя супольнасці паводле “трынітарнай мадэлі”, што дазволіць абвяшчаць Евангелле не толькі словам, але і Божай моцай.