Гэлена была трэцім дзіцём з дзесяці дзяцей Марыяны і Станіслава Кавальскіх. Як прыгадваюць сёстры апосталкі Міласэрнасці словы маці с. Фаўстыны, Гэлена асвяціла ёй лона, бо тыя дзеці, якія прыйшлі на свет пасля яе, нараджаліся без цяжкасцяў. Марыяна Кавальская казала пра сваю дачку: «Благаслаўлёнае дзіця, самая любімая дачка».

 

Сёння дом нараджэння апосталкі Божай Міласэрнасці належыць да санктуарыя яе хросту і нараджэння, якім апякуюцца сёстры з Супольнасці Маці Божай Міласэрнасці ў кляштары ў Варцкіх Свініцах, дзе 23 жніўня сёлета была асвечана новая частка санктуарыя. Да месца нараджэння с. Фаўстыны прыбываюць пілігрымы з усяго свету.

 

25 жніўня 2015 г. прыпадае таксама 20-я гадавіна прызнання св. сястры Фаўстыны духоўнай сузаснавальніцай Супольнасці Сясцёр Маці Божай Міласэрнасці. Акт аб заснаванні супольнасці ў 90-годдзе Апосталкі Міласэрнасці атрымала першая настаяцельніца супольнасці.

 

«Святая сястра Фаўстына (…), ты не толькі аднавіла духоўнасць і харызмат нашай супольнасці, але і стала яе духоўнай сузаснавальніцай. Тое, што ўчыніў у тваім жыцці Бог (…) — мы з радасцю адкрываем, дзякуючы Божай міласэрнасці за вялікія рэчы, якія адбыліся ў табе і праз цябе ў нашай супольнасці», — казала 20 гадоў таму настаяцельніца Паўліна Сломка пры труне св. сястры Фаўстыны.

 

 

Сястра Фаўстына памерла 5 кастрычніка 1938 года ў кляштары ў Кракаве-Лагеўніках ва ўзросце 33 гадоў. 18 мая 1993 года Святы Айцец Ян Павел ІІ беатыфікаваў манахіню, а 30 мая 2000 г. далучыў яе да ліку святых Касцёла.

 

Паводле niedziela.pl.

Пераклад з польскай І. Лапато