11 мая ў чацвёртую нядзелю Вялікадня Касцёл святкуе нядзелю Добрага Пастыра. У гэты дзень Касцёл асаблівым чынам моліцца аб новых пакліканнях да Божай службы. З гэтай нагоды навучэнцы гродзенскай семінарыі наведаюць парафіі Гродзенскай дыяцэзіі, дзе разам з вернікамі будуць маліцца ў інтэнцыі новых пакліканняў да святарства і манаскага жыцця.

 

 

Разважаючы пра пакліканне, кс. Валерый узгадвае словы святога Яна Паўла ІІ, які сцвярджаў, што пакліканне -- гэта дар і таямніца, спазнанне якіх адбываюцца ў жыцці пакліканага праз усё жыццё: «... ніхто не можа прэтэндаваць на права быць святаром, -- гэта Божая ласка. Гэта цудоўны дар Божай любові і клопату пра чалавека. Гэта плён цеснага супрацоўніцтва пакліканага з Божай ласкай».

 

Кс. Валерый звярнуў увагу на тое, што варта горача маліцца для таго, каб кожны з нас, «калі пачуе ў сваім сэрцы голас Бога, змог знайсці дастаткова мужнасці і любові, нягледзячы на пачуццё нікчэмнасці і страху, і адказаць як малады Самуэль: «Я тут, Пане, Ты клікаў мяне».

 

Заахвоціў святар і да малітвы аб тых, хто ўжо распазнаў у сабе голас Айца, які кліча: «Мы павінны таксама маліцца і аб тым, каб нам удалося засцерагчы ад перашкод Божы заклік у сэрцы нашых блізкіх, калі Божы голас пачуе нехта з нашай сям'і, і каб мы самі не заглушылі яго нашым супраціўленнем, страхам і няўпэўненасцю».

У заканчэнні свайго звароту кс. Валеры падзякаваў старэйшаму пакаленню за сілу і моц малітвы, а таксама заахвоціў вернікаў быць сведкамі Хрыста разам з тымі, хто ўжо адчуў Божы заклік і працуе над распазнаннем свайго паклікання: «Дзякуем Вам, паважанае старэйшае пакаленне,  за прыклад  вашай веры і сведчанне любові да Касцёла. Дзякуючы вашым малітвам і ахвярам можа існаваць наша семінарыя, якая рыхтуе новых святароў для службы Богу і людзям у Хрыстовым Касцёле. Давайце будзем Сведкамі Праўды разам!»