У парафіі Нараджэння Божай Маці ў Гомелі адноўлены духоўныя сустрэчы для моладзі і праца дыскуcійнага кінаклубу. Духоўныя сустрэчы адбываюцца кожную першую і трэцюю пятніцу месяца ў 19.30, кінаклуб – кожную другую і чацвёртую пятніцу.

На моладзевыя сустрэчы, якія праводзіць вікарый парафіі кс. Дамінік Шыманскі, запрашаюцца школьнікі, студэнты і працоўная моладзь. На сустрэчах абмяркоўваюць актуальныя для моладзі праблемы, гутараць на тэму веры.

На сустрэчах кінаклубу маладыя людзі разам са святаром глядзяць і абмяркоўваюць якасныя фільмы, якія ставяць перад гледачом маральныя і духоўныя пытанні. Да сумеснага прагляду можна прапаноўваць і свае любімыя фільмы.

Паводле сайта Нараджэння Божай Маці

(AG)