Падчас Імшы 25 сакавіка, ва ўрачыстасць Звеставання Пана, у гомельскай парафіі Нараджэння Божай Маці маліліся аб усіх цяжарных жанчынах і медыках-гінеколагах, каб яны адмовіліся ад правядзення абортаў. Таксама гомельскія католікі прынялі ўдзел у традыцыйнай акцыі “Духоўнага ўсынаўлення” - 9-месячнай малітвы за ненароджанае дзіця, якому пагражае аборт. Каля 200 вернікаў парафіі заявілі пра свой намер такога духоўнага ўсынаўлення.

Вернікі маліліся падчас Імшы “за жанчын, якія носяць пад сваім сэрцам новае жыццё”, за “мужнасць бацькоў адважыцца на нараджэнне дзіцяці і любоў да яго”, за “медыкаў, якія пакліканы абараняць жыццё, а не забіваць яго”.

“Як казалі святыя, народ, што знішчае сваё патомства, чакаюць войны ў выглядзе Божай кары, паколькі забойства дзяцей - гэта вельмі страшны грэх”, - адзначыў пробашч парафіі кс. Славамір Ласкоўскі.

Паводле сайта гомельскай парафіі

(AG)