У гомельскай парафіі Нараджэння Божай Маці пасля заканчэння катэхез, якія праходзілі ў студзені-сакавіку, утварылася новая Нэакатэхуменальная суполка. У яе ўвайшлі вернікі розных узростаў, прафесій, сацыяльных груп.

Цяпер у парафіі стала дзевяць суполак. Нэакатэхуменальны шлях быў адкрыты ў Гомелі больш за 20 гадоў таму.

Нэакатэхуменальны шлях - свецкі рух у Каталіцкім Касцёле, які аб'ядноўвае каля 300 тысяч чалавек ва ўсім свеце. Яго заснавалі іспанцы Кіко Аргуэльо і Кармэн Эрнандэс у 1964 годзе ў адказ на секулярызацыю грамадства і заклік Другога Ватыканскага Сабору аб новай евангелізацыі. Нэакатэхуменат - абнаўленне свайго хрышчэння праз розныя этапы і жыццё па вобразу першых хрысціянскіх супольнасцяў.

Паводле сайта гомельскай парафіі

(AG)