Кожную нядзелю велікоднага перыяду Неакатэхуменальныя суполкі гомельскай парафіі Нараджэння Божай Маці ладзяць евангелізацыю на вуліцы. Ва ўсім свеце ў гэты час католікі Неакатэхуменальнага шляху выходзяць на цэнтральныя плошчы сваіх гарадоў, каб несці людзям Добрую Вестку пра любоў і перамогу Хрыста.

Пад гітары і барабаны парафіяне на пляцоўцы перад касцёлам спяваюць пра ўваскрасенне Хрыста, танчаць, прапаведуюць, зыходзячы са свайго досведу, сведчаць пра асабістую сустрэчу з Хрыстом.

Гэтыя сустрэчы ладзяцца па нядзелях у 13.30, гомельскія вернікі запрашаюць на іх кожнага.

Паводле гомельскага каталіцкага сайта

(AG)