З 28 па 31 ліпеня 2014 г. у Міждыяцэзіяльнай вышэйшай духоўнай семінарыі імя св. Тамаша Аквінскага ў Пінску прайшлі рэкалекцыі для юнакоў, якія жадаюць распазнаць сваё пакліканне. Рэкалекцыі праводзіў кс. Павел Ярашэвіч.

У духоўных разважаннях прыняў удзел 21 малады чалавек. На працягу рэкалекцый хлопцы разважалі, маліліся, бавіліся і праводзілі час разам, мелі магчымасць на гэтыя дні далучыцца да семінарыйнага жыцця.

Маладыя людзі разважалі над пакліканнем не толькі да святарства, але і да жыцця любога хрысціяніна, на якім бы шляху ён ні знаходзіўся; над Божым словам, жыццём, служэннем у Касцёле і многімі іншымі рэчамі. Час праляцеў для ўдзельнікаў хутка і прыемна. Арганізатары спадзяюцца, што зерне, пасеянае ў гэтыя дні, дасць багаты плён і юнакі знойдуць той шлях, на якім змогуць быць шчаслівымі, вернымі Богу, годнымі людзьмі.

(AG)