8 лістапада супольнасць Міждыяцэзіяльнай вышэйшай духоўнай семінарыі ў Пінску здзейніла юбілейную пілігрымку ў санктуарый Маці Божай Лагішынскай, Каралевы Палесся.

Разам з парафіянамі семінарысты ўдзельнічалі ў святой Імшы, якую ўзначаліў прэфект семінарыі кс. Дмітрый Чупрын.

На пачатку Імшы кусташ санктуарыя кс. Тадэвуш Шэшка звярнуўся са словамі шчырага прывітання да семінарыйнай супольнасці і ўсіх прысутных вернікаў.

Як і штогод, ля падножжа абраза Багародзіцы прагучалі словы аддання сябе ў апеку Каралеве Палесся:

«Святая Марыя, Маці Бога і наша Маці, Каралева Палесся! Сёння мы, навучэнцы Вышэйшай духоўнай семінарыі ў Пінску, якіх Твой Сын Езус Хрыстус паклікаў на шлях свайго святарства, прыходзім да Цябе і аддаёмся цалкам Тваёй Матчынай апецы...»

Аляксей Цвячкоўскі, ((АлГ), (AG)

фота Андрэя Бурака