Круглы стол на тэму «Рэлігія ў сучаснай беларускай культуры» прайшоў на кафедры філасофіі Гомельскага дзяржаўнага ўніверсітэта імя Ф. Скарыны ў межах падрыхтоўкі да Першага беларускага філасофскага кангрэса, які пройдзе ў Мінску ў кастрычніку 2017 года.

Удзельнікамі круглага стала сталі архімандрыт Гомельскага Свята-Мікольскага манастыра а. Сава Мажука і пробашч касцёла Нараджэння Найсвяцейшай Панны Марыі ў Гомелі кс. Славамір Ляскоўскі.

На круглым стале абмяркоўваліся пытанні маральных арыентыраў сучаснага чалавека і роля рэлігіі ў іх фарміраванні, хрысціянскія матывы ў мастацтве, суаднясенне рэлігіі і ідэалогіі.

Выкладчыкі дыскутавалі аб уплыве філасофіі і рэлігіі на фарміраванне светапогляду сучаснага чалавека. Удзельнікі круглага стала прыйшлі да высновы, што ва ўмовах глабалізацыі хрысціянства з’яўляецца адным з вызначальных элементаў сучаснай беларускай культуры.

(Ул.інф.)