Папа Францішак прыме 14 студзеня ў Ватыкане палестынскага прэзідэнта Махмуда Абаса. Гэта будзе іх пятая па ліку сустрэча.
У Ватыкане прайшла спецыяльная прэс-канферэнцыя, прысвечаная прэзентацыі новага фармату штотыднёвай газеты L'Osservatore Romano, якая адзначае сваё 70-годдзе. Па словах дырэктара Залы Друку Святога Пасаду Грэга Бёрка, змена фармату выдання і новы падыход да яго зместу сталі сапраўдным святам.
Дзесяць кананізацый і чатырнаццаць беатыфікацый прайшлі ў Каталіцкім Касцёле на працягу 2016 года. Асобы, абвешчаныя святымі, паходзілі з васьмі розных краін: Албаніі, Аргентыны, Францыі, Італіі, Польшчы, Мексікі, Іспаніі і Швецыі. Гэтымі дадзенымі падзяліўся прэфект Кангрэгацыі па справах Кананізацыі 9 студзеня ў Папскім універсітэце Urbaniana.
Апостальская адгартацыя “Amoris laetitia” не будзе карэктавацца, так як няма ніякай небяспекі для веры. Пра гэта заявіў прэфект Кангрэгацыі Веравучэння кардынал Герхард Людвіг Мюлер.
13 студзеня на адмысловай прэс-канферэнцыі ў Ватыкане прадставяць падрыхтоўчы дакумент XV Генеральнай Асамблеі Сінода Біскупаў, запланаванай на кастрычнік 2018 г., на тэму «Моладзь, вера і распазнанне паклікання».
Папа Францішак лічыць апостальскія падарожжы складанымі з псіхалагічнага пункту гледжання, але вартымі таго, каб іх здзяйсняць, бо яны даюць магчымасць дакрануцца да «няўяўнага багацця» абліччаў, вобразаў, досведаў, а таксама «ўмацаваць зерні надзеі».
8 студзеня, у свята Хросту Пана, папа Францішак падчас малітвы «Анёл Панскі» на плошчы Святога Пятра ў Рыме нагадаў, што чалавецтва, будучы збаўленым ласкаю Хрыста, праз дзеянне Святога Духа мае ўдзел у сыноўскіх адносінах Езуса з Айцом, прынятае ва ўлонне Маці Царквы і здольнае да братэрства без межаў і перашкодаў.
У свята Хросту Пана Пантыфік ахрысціў 28 дзяцей супрацоўнікаў ватыканскіх структур: 13 дзяўчынак і 15 хлопчыкаў. Урачыстая цырымонія, згодна са старажытным звычаем, прайшла падчас св. Імшы ў Сікстынскай капэле Ватыкана.
6 студзеня, ва ўрачыстасць Аб’яўлення Пана, падчас малітвы «Анёл Панскі» на плошчы Святога Пятра папа Францішак заклікаў ісці за зоркаю Езуса, святло якой трывалае і лагоднае, якое сыходзіць з неба і ззяе ў сэрцы.
У ім Пантыфік кажа пра сваю блізкасць з сірыйскім народам, які перажывае вайну, а таксама пра настойлівую малітву за мір ва ўсёй краіне.
Папа са смуткам выказаўся пра кровапралітныя мафійныя міжусобіцы, якія мелі месца ў першыя дні 2017 года ў турме Манаўса. «З Бразіліі прыйшлі драматычныя весткі пра разню ў турме Манаўса, дзе жорсткія сутыкненні паміж варожымі групоўкамі прынеслі дзясяткі смерцяў. Я хацеў бы выказаць свой смутак і трывогу з-за таго, што адбылося», —сказаў Францішак 4 студзеня на заканчэнне агульнай аўдыенцыі ў Ватыкане.
Цяперашняе пагадненне аб спыненні агню ў Сірыі з’яўляецца для міжнароднай супольнасці «акном часу» для сур’ёзных перамоў па стабільным міры ў краіне, лічыць арцыбіскуп Сільвана Тамазі.
У дзень памяці мучаніцтва нявінных бэтлеемскіх немаўлят, 28 снежня, папа Францішак накіраваў спецыяльнае пасланне біскупам усяго свету. Тэкст дакумента быў апублікаваны 2 студзеня Ватыканскай Залай Друку.
«Бог жадае ад Марыі не толькі таго, каб Яна стала Маці Яго Адзінароднага Сына, але таксама каб Яна супрацоўнічала з Сынам і праз Сына ў плане збаўлення, каб у Ёй, пакорнай слузе, здзейсніліся вялікія справы Божай міласэрнасці», — адзначыў Пантыфік падчас малітвы «Анёл Панскі» на плошчы Святога Пятра 1 студзеня, ва ўрачыстасць Найсвяцейшай Багародзіцы Марыі.
Дыкастэрыя па служэнні інтэгральнаму развіццю чалавека — новая ўстанова Рымскай курыі — пачала працаваць 1 студзеня 2017 года. Яе ўзначаліў кардынал Пітэр Тарксан. Новая дыкастэрыя з’явілася ў межах рэформы Рымскай курыі праз зліццё чатырох іншых Папскіх радаў: справядлівасці і пакоры, Cor Unum, пастырства работнікаў сферы аховы здароўя, пастырства эмігрантаў і падарожнікаў.