Папа Рымскі Францішак заняў пятае месца ў штогадовым спісе самых уплывовых людзей свету па версіі часопіса «Форбс», апублікаваным 14 снежня.

Папа Францішак скіраваў пасланне на Сусветны дзень хворага, які традыцыйна адзначаецца ў Каталіцкім Касцёле 11 лютага, ва ўспамін Маці Божай Лурдскай. Папскі дакумент быў абнародаваны 15 снежня ў Ватыкане.

Свае першыя віншаванні з нагоды Божага Нараджэння Папа Францішак склаў на мове жэстаў. Святы Айцец звярнуўся да глухіх асобаў у кароткім відэароліку, які быў апублікаваны на асабістай старонцы яго сакратара, кс. Ёаніса Лацы Гаіда, у твітары.

З нагоды 80-га дня нараджэння Папы Рымскага Францішка, які будзе адзначацца 17 снежня, філатэлістычнае і нумізматычнае Бюро Ватыкана рыхтуе да выхаду адмысловую паштоўку з памятнай маркай і пячаткай.

У Рыме завяршылася двухдзённая канферэнцыя, прысвечаная аналізу магчымасцяў Святога Пасаду ў барацьбе з эпідэміяй Эбола ў Заходняй Афрыцы і пандэміяй вірусу Зіка.

Святы Айцец зрабіў прызначэнні ў новаствораную дыкастэрыю па служэнні інтэгральнаму развіццю чалавека. 14 снежня на пасады падсакратароў гэтай структуры былі прызначаны кс. Майкл Чэрны і кс. Фабіа Баджа. Святары будуць непасрэдна дапамагаць Пантыфіку ў пытаннях, якія датычаць мігрантаў і бежанцаў.

Папа Рымскі прыняў 10 снежня ў клементыйскай зале Ватыкана супольнасць Папскай рэгіянальнай семінарыі імя Пія XI з Апуліі ў паўднёвай Італіі. У сустрэчы прынялі ўдзел 300 навучэнцаў семінарыі. Прыводзім некаторыя вытрымкі са звароту Пантыфіка да італьянскіх семінарыстаў.

З 80-гадовым юбілеем Папу Рымскага можна будзе павіншаваць праз электронную пошту і сацыяльныя сеткі. Для гэтага спецыяльна створаны адрасы электроннай пошты і хэштэг, як паведамілі 13 снежня ў Зале Друку Апостальскай Сталіцы.

Папа Францішак звярнуўся да Прэзідэнта Сірыі і міжнароднай супольнасці з заклікам пакласці канец вайне ў гэтай краіне. Ліст Святога Айца перадаў Апостальскі Нунцый у Дамаску кардынал Марыё Дзэнары.

Любоў да ворага з’яўляецца ядром хрысціянскай рэвалюцыі, падкрэсліў Святы Айцец у пасланні на Сусветны дзень міру, які будзе адзначацца 1 студзеня 2017 г. «Ненасілле: стыль палітыкі для міру» — так гучыць яго сёлетняя тэма. Папскі дакумент быў апублікаваны і прадстаўлены 12 снежня ў Ватыкане.

11 снежня ў В’енцьяне, у Лаосе, абвешчаны благаслаўлёнымі Мáрыё Бардзага, святар з супольнасці Місіянераў аблатаў Марыі Беззаганнай, Павел Тхой Ксюой, свецкі вернік, катэхет, і 14 іх паплечнікаў, забітых з-за нянавісці да веры.

На вобраз безвыходнасці і няўмольнага лёсу без Бога, прадстаўлены ў кнізе прарока Ісаі, указаў Папа Францішак падчас малітвы «Анёл Панскі» на плошчы Святога Пятра 11 снежня. Пантыфік указаў на кантэкст хваробы, каб падкрэсліць «смак сапраўднай радасці», якую нясе аздараўленне, здзейсненае Богам.

80 мэраў еўрапейскіх гарадоў прымалі ўдзел у сустрэчы, прысвечанай праблемам бежанцаў і мігрантаў, якая праходзіла 9-10 снежня ў Ватыкане. Форум, арганізаваны Папскай акадэміяй навук, прайшоў на тэму «Еўропа: бежанцы — нашы браты».

Пра спакусы, якія здольныя паставіць пад пагрозу служэнне святароў, Папа Францішак гаварыў 9 снежня на ранішняй святой Імшы ў капліцы Дома св. Марты ў Ватыкане.

«Апостальская Сталіца і Ісламская Рэспубліка Маўрытанія, жадаючы забяспечыць сяброўскія ўзаемаадносіны, вырашылі на аснове агульнай згоды ўсталяваць дыпламатычныя адносіны, на ўзроўні Апостальскай нунцыятуры Святога Пасаду і Пасольства Ісламскай Рэспублікі Маўрытанія», — гаворыцца ў афіцыйнай заяве Ватыкана.