Прызначаны новы назіральнік з боку Апостальскай Сталіцы пры Радзе Еўропы
27.01.2004 03:00
Як паведаміў 27 студзеня прэс-цэнтр Апостальскай Сталіцы, пастаянным назіральнікам з боку Ватыкана пры Радзе Еўропы ў Стразбургу прызначаны пралат Віто Рало.
Да цяперашняга часу 50-гадовы дыпламат працаваў у Апостальскіх нунцыятурах у Паўднёвай Карэі, Сенегале, Канадзе, Мексіцы, Ліване і Іспаніі.
Усяленскі Патрыярх жадае сустрэцца з Рымскім Папам і правесці новае паседжанне Міжнароднай змешанай
26.01.2004 03:00
Усяленскі Патрыярх паведаміў, што 29 чэрвеня сустрэнецца з Папам Янам Паўлам ІІ. На заканчэнне свайго візіту на Кубу, 26 студзеня Варфаламей І сказаў, што з радасцю прыме запрашэнне Папы наведаць Ватыкан з нагоды штогадовага ўрачыстага ўспаміну апосталаў Пятра і Паўла.
Ян Павел ІІ абвесціць новую апостальскую адгартацыю
17.09.2003 03:00
6 кастрычніка, у 25-ю гадавіну свайго выбару, Ян Павел ІІ абвесціць апостальскую адгартацыю на тэму паслугі біскупа. Дакумент з’яўляецца плёнам працы апошняга звычайнага з’езду Сінода Біскупаў.
На драматычны лёс «малых» у сённяшнім свеце звяртае ўвагу Ян Павел II у сваім пасланні на Вялікі пост.
28 верасня 2003 г. Папа Ян Павел ІІ прызначыў 30 новых кардыналаў. Яны атрымаюць з рук Папы чырвоныя кардынальскія шапачкі падчас чарговай кансісторыі, якая адбудзецца 21 кастрычніка. Сярод будучых кардыналаў 8 прэлатаў Рымскай курыі, 19 архіепіскапаў з розных кран свету і 4 святары.
28 чэрвеня г.г. Папа Ян Павел ІІ падпісаў апостальскую адгартацыю Ecclesia in Europa («Касцёл у Еўропе»). Гэта заключны дакумент Сіноду біскупаў для Еўропы, які праходзіў 1—23 кастрычніка 1999 г. у Рыме і быў прысвечаны хрысціянскай тоеснасці нашага кантынента.
6 чэрвеня ў старажытным горадзе Дуброўнік падчас урачыстай Святой Імшы Ян Павел ІІ беатыфікаваў Марыю ад Езуса Укрыжаванага (Петкавіч) (1892–1966 гг.) — заснавальніцу Кангрэгацыі францішканак — дачок міласэрнасці.
З 5 па 9 чэрвеня 2003 г. Ян Павел ІІ візітаваў Харватыю і наведаў пяць мясцовасцяў. Папа цэлебраваў тры Святыя Імшы з удзелам вернікаў і правёў у г. Задар Літургію Слова, якая стала апошнім этапам гэтай гістарычнай замежнай паездкі. Падчас пілігрымкі Пантыфік узвялічыў да годнасці алтара адну Слугу Божую — Марыю ад Езуса Укрыжаванага, сустрэўся з прэзідэнтам, прэм’ерам і харвацкімі біскупамі, а таксама наведаў святыні ў Д’якове і Рыцы. Гэта трэці візіт Яна Паўла ІІ у Харватыю.
Ватыканскае радыё