22 красавіка папа Францішак адзначае 40-ю гадавіну з дня ўрачыстых вечных шлюбаў у Ордэне езуітаў. Гэта адбылося ў 1973 г., калі кс. Хорхе Берголіа быў святаром ужо на працягу 4 гадоў.

Праз некалькі месяцаў ён быў прызначаны правінцыялам Ордэна езуітаў у Аргенціне. Будучы Папа заўсёды падтрымліваў моцную сувязь з езуіцкай супольнасцю і духоўнасцю заснавальніка ордэна, нават калі займаўся выкладчыцкай дзейнасцю, падчас біскупскага служэння. Праз некалькі дзён пасля абрання на Пасад св. Пятра Святы Айцец сустрэўся з Генеральным настаяцелем Ордэна езуітаў кс. Адольфа Нікаласам.

Як адзначыў кс. Фэдэрыко Ламбардзі, кіраўнік Прэс-службы Апостальскай Сталіцы, якога цытуе Ватыканскае радыё, 22 красавіка — традыцыйная дата для складання ўрачыстых шлюбаў у Ордэне езуітаў, якімі яны заканчваюць перыяд сваёй духоўнай фармацыі. Гэтая дата выбрана не выпадкова, бо менавіта 22 красавіка 1542 г. склалі вечныя шлюбы св. Ігнацый Лаёла і яго першыя паплечнікі.

(AG)