Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Арцыбіскуп Зімоўскі на Дзень інвалідаў: асобы з абмежаванымі магчымасцямі — жывыя іконы ўкрыжаванага Хрыста
Рымская курыя
03.12.2012 15:33

Людзі з абмежаванымі магчымасцямі могуць стаць веснікамі новага свету, які кіруецца не моцай, насіллем і агрэсіяй, а любоўю, салідарнасцю і прыняццем. Такую думку выказаў старшыня Папскай рады пастырства работнікаў сферы аховы здароўя арцыбіскуп Зыгмунд Зімоўскі ў пасланні з нагоды Сусветнага дня інвалідаў, які адзначаецца 3 снежня.

Іерарх падкрэсліў, што інтэграцыя людзей з абмежаванымі магчымасцямі ў жыццё грамадства можа прынесці вялікае багацце грамадству, аднак на гэта не заўсёды звяртаецца належная ўвага. Старшыня Папскай рады дадаў, што адносінамі да цяжкасцяў і болю вымяраецца чалавечнасць як асобных людзей, так і ўсяго грамадства.

Як адзначыў арцыбіскуп Зімоўскі, правы ў грамадстве не могуць належаць толькі малой частцы моцных і паспяховых, бо гэта будзе дыскрымінацыяй. Інваліды, як падкрэсліў іерарх, павінны таксама прымаць удзел у жыцці грамадства на розных узроўнях: мясцовым, нацыянальным і міжнародным.

«Інваліднасць павінна ўспрымацца як праява ўнікальнасці чалавека членамі сем’яў, урачамі, педагогамі, сябрамі», — піша арцыбіскуп, словы якога прыводзіць Ватыканскае радыё. Старшыня Папскай рады нагадаў таксама словы бл. Яна Паўла ІІ аб тым, што асобы з абмежаванымі магчымасцямі — гэта «жывыя іконы ўкрыжаванага Хрыста, якія ўказваюць на містычную прыгажосць таго, хто быў паслухмяным ажно да смерці». Такія людзі, як дадаў арцыбіскуп Зімоўскі, «могуць навучыць, што такое любоў, якая збаўляе».

(AG)

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме