Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
У інгрэсе Папы прымуць удзел асобы з абмежаванымі магчымасцямі
Святы Айцец
06.04.2013 16:56

15 інвалідаў прымуць удзел у інгрэсе папы Францішка на рымскую кафедру, які адбудзецца 7 красавіка ў базыліцы св. Яна на Латэране. Яны прадставяць ўсю супольнасць людзей з абмежаванымі магчымасцямі Вечнага горада.

Паводле прадстаўнікоў італьянскай нацыянальнай асацыяцыі, якая арганізуе паездкі інвалідаў у рэлігійныя санктуарыі (U.N.I.T.A.L.S.I), жаданне прыняць удзел у гэтай літургіі выказалі многія, таму што маюць «вялікую любоў і пашану» да папы Францішка. Але прысутнічаць у базыліцы св. Яна змогуць толькі некаторыя: гэта звязана з тым, што ў святыні будзе шмат прадстаўнікоў іншых кампанентаў касцёльнай супольнасці Рыма, і месца, каб змясціліся ўсе жадаючыя, няма.

Як інфармуе Ватыканскае радыё, прадстаўнікі асацыяцыі выказалі надзею на сустрэчу Святога Айца з інвалідамі Рыма ў хуткім часе.

(AG)

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме