Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Касцёл патрабуе практыкуючых экзарцыстаў
30.03.2011 11:58

Джузэппэ Феррары, сакратар Групы соцыа-рэлігійных даследаванняў і інфармацыі (GRIS) лічыць, што ў Касцёле не хапае кампетэнтных святароў, здольных дапамагчы людзям, уцягнутым у свет цёмнай сілы ці акультызму.

Падобнае заяўленне прагучала падчас семінара «Экзарцызм і малітва вызвалення», які распачаўся 28 сакавіка 2011 г. у Рыме. Семінар арганізаваны Кангрэгацыяй Божага Культу і Дысцыпліны Сакрамэнтаў і праходзіць у Папскім універсітэце «Regina Apostolurum».

Між іншым, навукоўца падкрэсліў, што сатаністы не паважаюць уласную годнасць, у той час як абрад экзарцызму цалкам пабудаваны на павазе да чалавечай годнасці.

«Абрад выгнання нячыстай сілы, — адзначыў Феррары, — не дае ніякага эфекту, калі сам чалавек не пажадае вызваліцца ад апантанасці д’яблам».

Італьянскі журналіст і пісьменнік Карло Клімаці спыніўся на праблеме «моладзевага сатанізму». Дакладчык заклікаў «дапамагчы святарам, катэхетам, бацькам і педагогам арганізаваць прафілактычную працу ў моладзевым асяроддзі, каб  новыя пакаленні не станавіліся ахвярамі тых ці іншых небяспечных плыняў».

 

Пры выкарыстанні матэрыялаў сайта спасылка на Catholic.By абавязкова.