25 тысяч чалавек прайшлі 9 мая вуліцамі Атавы (Канада) у Народным маршы ў абарону жыцця. Колькасць удзельнікаў падзеі стала рэкорднай і на 5 тысяч большай, чым у мінулым годзе.

Як паведамляе польская рэдакцыя Ватыканскага радыё, мэта маршу — звярнуць увагу на праблему абортаў. З часу іх легалізацыі ў краіне, што адбылося ў 1969 г., у канадскіх клініках загінула каля 4 мільёнаў дзяцей.

Удзельнікі маршу сабраліся перад будынкам парламента ў Атаве, патрабуючы, каб улады сталі на бок нявінных і безабаронных, якія не могуць самі абараніць свае правы. Вялікую колькасць удзельнікаў склала моладзь.

(AG)