Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Каментарый да літургіі і малітва вернікаў на XXV Звычайную нядзелю, Год В (20 верасня)
Каментарыі да літургіі і малітва вернікаў
17.09.2015 16:49

Каментарый да літургіі

Мы прыходзім да Езуса, да крыніцы Божай ласкі, каб карміцца Словам і Целам Збаўцы. Эўхарыстыя — гэта асобаснае спатканне чалавека з Хрыстом, які ёсць святлом і ўказальнікам на дарогах пілігрымавання да жыцця вечнага.

Каб мы маглі ў паўнаце ўдзельнічаць у таямніцах збаўлення, мы павінны станавіцца перад Богам у прастаце сэрца, як дзіця, і перапрасіць Айца за зло, якое стала нашым удзелам.

Каментарый да літургіі слова

Сёння Бог прыходзіць да нас у Слове, якое мае моц аздараўлення і супакойвання нашага сэрца. Як умілаваныя дзеці Бога, мы прагнем услухоўвацца ў мудрасць Створцы, якая поўная міласэрнасці.

Каб мы маглі прыносіць благаслаўлёныя плёны хрысціянскага жыцця, нам трэба з пакорай і прастатой дзіцяці прыняць Божую навуку, якую Бог да нас скіроўвае, і рэалізаваць яе ў жыцці.

Малітва вернікаў

Адкрыем нашы сэрцы перад Айцом, які ў небе, і ўзнясём да Бога нашы малітвы:

1. За Касцёл святы, каб вакол Езуса і Яго Крыжа збіраў усіх людзей, аддаленых ад Яго.
2. За ўсіх хрысціян, каб, кормячыся Словам і Целам Хрыста, чэрпалі сілы для сведчання аб Ім у жыцці.
3. За тых, якія страцілі ласку веры, каб маглі яшчэ раз спаткаць Хрыста і вярнуцца ў супольнасць веруючых.
4. За хворых і церпячых, каб ішлі за Панам, несучы свой крыж штодзённых цярпенняў.
5. За памерлых, каб спазналі ласку міласэрнасці ад нашага Збаўцы — Езуса Хрыста.
6. За нас саміх, каб сваю прыналежнасць да Хрыста мы пацвярджалі сведчаннем штодзённага жыцця паводле Евангелля.

Выслухай нас, усемагутны Божа, і ўчыні, каб мы, верныя Тваёй навуцы, нястомна цешыліся Тваёй дапамогай і заслужылі ўзнагароду вечнага жыцця. Амэн.

(JM)

 

Пры выкарыстанні матэрыялаў сайта спасылка на Catholic.By абавязкова.

Каментарыі да літургіі і малітва вернікаў

07.07 11:36Каментарый да літургіі і малітва вернікаў на ХIV Звычайную нядзелю, Год А (9 ліпеня)
26.06 15:15Каментарый да літургіі і малітва вернікаў на ХIІІ Звычайную нядзелю, Год А (2 ліпеня)
21.06 14:34Каментарый да літургіі і малітва вернікаў на XII Звычайную нядзелю, Год А (25 чэрвеня)
16.06 13:13Каментарый да літургіі і малітва вернікаў на ХI Звычайную нядзелю, Год А (18 чэрвеня)
09.06 16:00Каментарый да літургіі і малітва вернікаў на Урачыстасць Найсвяцейшай Тройцы, Год А (11 чэрвеня)
29.05 10:46Каментарый на нядзелю Спаслання Духа Святога (4 чэрвеня)
22.05 10:23Каментарый на VII Велікодную нядзелю, Год А (28 мая)
17.05 12:02Каментарый да літургіі і малітва вернікаў на VI Велікодную нядзелю, Год А (21 мая)
09.05 11:35Каментарый да літургіі і малітва вернікаў на V Велікодную нядзелю, Год А (14 мая)
05.05 12:24Каментарый да літургіі і малітва вернікаў на IV Велікодную нядзелю, Год А (7 мая)