Здымкі выканыны ў паліграфічнай якасці. Можна выкарыстоўваць у мэтах друку з абавязковым указаннем крыніцы.
Як стала вядома з ватыканскіх крыніцаў, у пятніцу 17 сакавіка 2006 г. у адной з французскіх дыяцэзій афіцыйна распачнецца праца кананічнага трыбуналу, які зоймецца даследаваннем цуду, здзейсненага праз заступніцтва Яна Паўла ІІ.
Дарагія браты і сёстры! Вялікі пост — гэта найбольш спрыяльны час для ўнутранай пілігрымкі да Таго, хто з’яўляецца крыніцаю міласэрнасці. Гэта пілігрымка па пустыні нашай убогасці, у якой Ён сам нам спадарожнічае, падтрымліваючы нас на шляху да радасці Вялікадня. 
22 лютага 2006 г. падчас генеральнай аўдыенцыі з нагоды свята Катэдры святога Пятра Святы Айцец Бэнэдыкт XVI прызначыў на 24 сакавіка гэтага года Кансісторыю, на якой будуць абвешчаны некалькі новых кардыналаў.
Дарагія браты і сёстры,
11 лютага 2006 г., у дзень успаміну Найсвяцейшай Панны Марыі з Люрда, адбудзецца XIV Сусветны дзень хворага. У мінулым годзе такі Дзень праходзіў у марыйным санктуарыі Мволье ў Яундэ, і з гэтай нагоды вернікі і іх пастыры ад імя ўсяго афрыканскага кантынента ізноў пацвердзілі свой пастырскі клопат пра хворых. Наступны Дзень пройдзе ў Адэлаідзе ў Аўстраліі, і там кульмінацыяй усіх мерапрыемстваў стане цэлебрацыя Эўхарыстыі ў катэдры святога Францішка Ксавэрыя, які быў нястомным місіянерам народаў Усходу...
У свята Навяртання святога апостала Паўла 25 студзеня 2006 г. была абвешчана першая энцыкліка Папы Бэнэдыкта XVI Deus Caritas est («Бог ёсць любоў»), прысвечаная хрысціянскай любові. Назва энцыклікі — першыя словы тэксту дакумента, які займае 71 старонку, — узятыя з Першага паслання святога апостала Яна (1 Ян 4, 16). Менавіта яны, на думку Святога Айца, «асабліва выразна адлюстроўваюць сутнасць хрысціянскай веры: хрысціянскі вобраз Бога і такі, які з яго вынікае, вобраз чалавека і яго шляху» (DCE, Уступ).
У сераду 25 студзеня 2006 г. апоўдні па Рымскім часе на спецыяльнай прэс-канферэнцыі ў Ватыкане будзе прадстаўлена першая Энцыкліка Папы Бэнэдыкта XVI Deus Caritas est (Бог ёсць любоў).
Тыдзень малітваў за адзінства хрысціянаў праводзіцца ва ўсім свеце з 18 па 25 студзеня. Прапануем пазнаёміцца з гісторыяй узнікнення і правядзення гэтых Тыдняў.
Згодна з Праграмай душпастырства на 2006 г., зацверджанай Канферэнцыяй Каталіцкіх Біскупаў у Беларусі, на працягу Тыдня малітваў за адзінства хрысціянаў (18 – 25 студзеня) вернікам Касцёла ў Беларусі прапанавана разважаць над энцыклікай Папы Яна Паўла ІІ пра экуменічную дзейнасць Ut unum sint.
