2 мая, пасля двух месяцаў прабывання ў летняй рэзідэнцыі Рымскіх Пантыфікаў у Кастэль Гандольфа, Бэнэдыкт XVI вярнуўся ў Ватыкан. Папа Францішак наведаў свайго папярэдніка адразу пасля яго прыбыцця ў кляштар «Mater Ecclesiae».

Як паведаміў кіраўнік Прэс-службы Апостальскай Сталіцы кс. Фэдэрыка Ламбардзі, 16 красавіка папа Францішак патэлефанаваў Бэнэдыкту ХVI у Кастэль Гандольфа і павіншаваў яго з днём нараджэння. У гэты дзень Рымскі Пантыфік на пенсіі адзначаў сваё 86-годдзе.

Вечарам 19 сакавіка папа Францішак па тэлефоне павіншаваў Бэнэдыкта XVI з імянінамі, якія Пантыфік на пенсіі адзначае сёння, ва ўрачыстасць святога Юзафа. Аб гэтым паведаміў кіраўнік Прэс-службы Апостальскай Сталіцы кс. Фэдэрыка Ламбардзі.

Бэнэдыкт XVI здолеў змяніць рэлігійную мову, зрабіўшы яе больш актуальнай, непасрэднай і зразумелай, — падкрэсліў дырэктар Ватыканскага выдавецтва кс. Джузэпэ Коста ў інтэрв’ю агенцтву італьянскага епіскапату. Па словах святара, Рымскі Пантыфік на пенсіі заслугоўвае Нобелеўскай прэміі па літаратуры.

«Я ніколі не адчуваў сябе ў адзіноце. Апошнія прамовы Бэнэдыкта XVI» — зборнік пад такой назвай, падрыхтаваны ватыканскім выдавецтвам, ужо з’явіўся на паліцах кнігарняў. У яго ўвайшлі тэксты прамоваў Папы на пенсіі за перыяд паміж 11 і 28 лютага — ад абвяшчэння рашэння аб заканчэнні Пантыфікату да пачатку sede vacante.

За 8 гадоў свайго Пантыфікату Бэнэдыкт XVI правёў 348 агульных аўдыенцый, на якіх прысутнічала больш за 5 мільёнаў чалавек. Падчас іх Папа звяртаўся да вернікаў з катэхезамі на розныя тэмы. Яго першая агульная аўдыенцыя адбылася 27 красавіка 2005 г., і тады ён патлумачыў, чаму абраў у якасці папскага імені менавіта імя «Бэнэдыкт».

Cайт Святога Пасаду www.vatican.va дорыць магчымасць перагарнуць старонкі гістарычнага Пантыфікату Бэнэдыкта XVI. На сайце змешчаны віртуальны альбом у чырвонай вокладцы з фатаграфіямі былога Пантыфіка.

Пра веліч незвычайнага Пантыфікату Бэнэдыкта XVI піша ў новым нумары газеты «L’Osservatore Romano» яе галоўны рэдактар Джаванні Марыя Віян. Па словах аўтара, гэты Біскуп Рыма «новым чынам» застаецца каля ўкрыжаванага Пана, якога ніколі не пакідаў на працягу свайго доўгага і вельмі плённага жыцця.

Яшчэ перад абраннем Бэнэдыкта XVI на Пасад св. Пятра многія СМІ сфарміравалі вакол яго вобраз чалавека халоднага і закрытага, сапраўднага аскета, у якім вернасць парадку пераважае над любоўю. Калі кардынал Ёзаф Ратцынгер быў прэфектам Кангрэгацыі Веравучэння, яго называлі не інакш як «вялікі інквізітар», між іншым, нагадваючы аб старажытнай назве ўстановы, якую ён узначальваў. Іншая мянушка — «панцэркардынал» — падкрэслівала, што Ёзаф Ратцынгер не спыняецца ні перад чым дзеля абароны каталіцкага навучання і пераследу ворагаў Касцёла.

Афіцыйнага адказу на пытанне, што будзе з профілем Бэнэдыкта XVI у Твітэры пасля 28 лютага, пакуль няма. Верагодна, што акаўнт @Pontifex у перыяд sede vacante застанецца без змен, а пасля абрання новага Папы будзе прынята канчатковае рашэнне аб яго будучыні.

Пасля 28 лютага Пантыфік будзе жыць у Кастэль Гандольфа на час sede vacante, а пасля накіруецца ў кляўзуровы кляштар на тэрыторыі Ватыкана. Пра гэта паведаміў Прэс-сакратар Апостальскай Сталіцы кс. Федэрыка Ламбардзі.

У 1971 годзе, за 7 гадоў да таго, як Ёзаф Ратцынгер стаў кардыналам, ён напісаў эсэ. У ім будучы Папа распавёў пра тое, чаму ён стаў католікам і чаму прысутны ў Касцёле.

Калі ў 2005 г. на пасад Святога Пятра быў абраны кардынал Ёзаф Ратцынгер, многія замежныя і айчынныя СМІ пачалі рабіць «сенсацыю» на момантах з яго біяграфіі, якіх на самой справе не існавала. Многія газеты і часопісы распавядалі, што ў маладосці будучы Пантыфік быў членам нацысцкай моладзевай арганізацыі «Гітлерюгенд».

7 студзеня Бэнэдыкт XVI сустрэўся з прадстаўнікамі дыпламатычнага корпусу, акрэдытаванага пры Апостальскай Сталіцы. Такія сустрэчы адбываюцца штогод пасля святаў Божага Нараджэння і Новага году. Лейтматывам сёлетняга паслання стаў заклік да спрыяння міру на планеце.

Святы Айцец Бэнэдыкт XVI трапіў у дзясятку самых уплывовых людзей свету. Сярод знакамітых палітыкаў і грамадскіх дзеячоў Пантыфік заняў пятае месца.

Гаворкі пра адмену або перанос папскага візіту ў Ліван не вядзецца. Па словах мараніцкага арцыбіскупа Камілле Заідана, нягледзячы на грамадзянскую вайну ў Сірыі, падрыхтоўка да візіту Бэнэдыкта XVI працягваецца, а пытанне небяспекі Святога Айца пад кантролем.

Бэнэдыкт ХVI скіраваў спецыяльнае пасланне да ўдзельнікаў ХІІ кантынентальнай сустрэчы душпастырства афра-амерыканцаў, якая праходзіць з 13 па 20 ліпеня ў эквадорскім горадзе Гуаякіль. Тэма форуму вельмі шырокая: «Душпастыртсва афра-амерыканцаў у Карыбскім басейне ў святле Дакумента з Апарэсіды. Праблемы і надзеі Касцёла і грамадства».

11 ліпеня ў летняй папскай рэзідэнцыі ў Кастэль Гандольфа прагучаў канцэрт спецыяльна для Пантыфіка. Менавіта ў гэты дзень, калі Касцёл узгадвае постаць святога Бэнэдыкта, апекуна Еўропы, Святы Айцец адзначае свае імяніны.

Ваша Эксцэленцыя, паважаныя прадстаўнікі дыпламатычнага корпусу, прадстаўнікі рэлігійных канфесій, Праваслаўнай Царквы, шаноўнае спадарства.

Шаноўная спадарыня Алена Купчына, намеснік міністра замежных спраў Рэспублікі Беларусь, паважаныя прадстаўнікі органаў дзяржаўнай улады, дастойныя біскупы Рыма-каталіцкага Касцёла, шаноўныя прадстаўнікі дыпламатычнага корпусу, вялебныя дэлегаты Праваслаўнай Царквы ў Беларусі, дарагія святары, паважаныя сёстры, шаноўнае спадарства!