«У Вашай асобе, спадарыня Прэзідэнт, я бачу твары дарагіх сыноў і дачок аргенцінскай зямлі, якія (…) аддаюць найлепшае, што ў іх ёсць, на карысць сваёй айчыны», — напісаў Святы Айцец Францішак у лісце да Прэзідэнта Аргенціны Крыстыны Кіршнер. Папа падзякаваў аргенцінскаму лідару за прысутнасць на інаўгурацыі яго Пантыфікату.

«Праз гэтыя некалькі слоў хачу быць бліжэй да цябе і да Касцёла ў Буэнас-Айрэсе», — так напісаў Святы Айцец Францішак у віншаванні свайму наступніку на пасадзе арцыбіскупа Буэнас-Айрэса. 21 красавіка адбыўся інгрэс арцыбіскупа Марыа Полі ў катэдральны касцёл у сталіцы Аргенціны.

Святы Айцец Францішак скіраваў прывітанне ўдзельнікам Нацыянальнага эўхарыстычнага кангрэсу ў Коста-Рыцы. Кангрэс прысвечаны тэме «Эўхарыстыя: Хлеб Жыцця для нашага народа».

Шчырыя віншаванні і благаслаўленне перадаў Святы Айцец Францішак Прэзідэнту Італіі Джорджыо Напалітана, які 20 красавіка быў абраны на другі тэрмін як кіраўнік дзяржавы. Папа пажадаў Прэзідэнту, каб ён быў здольным «працягваць сваю светлую і мудрую дзейнасць, падтрыманую адказным супрацоўніцтвам усіх».

Папа Францішак перадаў спачуванні грамадзянскім уладам горада Вэст (ЗША), а таксама сем’ям ахвяраў выбуху на тэхаскім заводзе. Святы Айцец скіраваў спачувальную тэлеграму за подпісам Дзяржаўнага Сакратара кардынала Тарчызіо Бэртонэ на імя біскупа Джо Сціва Васкуэза.

Святы Айцец Францішак падзякаваў аргенцінскім маці за іх барацьбу з беднасцю і намаганні па спыненні пакут многіх людзей. Члены асацыяцыі «Маці плошчы Мая» напісалі ліст да Папы, у якім павіншавалі яго з абраннем на Пасад св. Пятра.

Глядзець на душпастырскую дзейнасць у місійным ключы — з такім заклікам звярнуўся папа Францішак да епіскапату Аргенціны ў сувязі з яго пленарным пасяджэннем, якое пачнецца 20 красавіка. Святы Айцец, які перад сваім абраннем быў членам епіскапату і павінен быў прыняць удзел у гэтай асамблеі, у першую чаргу папрасіў прабачэння ў іерархаў за тое, што не зможа ўдзельнічаць у ёй.

«Дзякую за ваш жэст блізкасці і любові. (...) Дзякую таксама, што моліцеся за мяне, і прашу працягваць малітву, у якой маю вялікую патрэбу», — напісаў папа Францішак рымскаму «Карытас» у адказ на ліст ад хворых, бедных і бяздомных Вечнага Горада.

Святы Айцец Францішак выказаў спачуванні ў сувязі са смерцю былога брытанскага прэм’ер-міністра Маргарэт Тэтчэр. У тэлеграме, скіраванай 8 красавіка на імя кіраўніка ўраду Дэвіда Кэмерана, Папа з удзячнасцю адзначыў імкненне спачылай кіравацца хрысціянскімі каштоўнасцямі ў дзяржаўнай службе і «распаўсюджванні свабоды ў сям’і народаў».

Папа Францішак запэўніў у малітоўнай блізкасці пацярпелых ад паводкі аргенцінцаў. Паводка, выкліканая праліўнымі дажджамі, прывяла да смерці некалькіх дзясяткаў, а да вымушанай эвакуацыі — некалькіх тысяч чалавек.

Італьянцаў і аргенцінцаў яднаюць духоўныя і сямейныя сувязі, культура і традыцыі. Аб гэтым, нагадваючы пра сваё італьянскае паходжанне, піша папа Францішак у лісце да Італьянска-аргенцінскага грамадска-культурнага таварыства «Ascia» у Італіі.

Кожны месяц малітвам вернікаў давяраюцца дзве інтэнцыі: агульная і місійная. Агульная з малітоўных інтэнцый на красавік, зацверджаных Бэнэдыктам XVI яшчэ ў канцы 2011 года, гучыць так: «Каб публічнае вызнанне веры і малітва былі для вернікаў крыніцай жыцця».

Святы Айцец павіншаваў іўдзейскую супольнасць Рыма са святам Песах. Пантыфік выказаў віншаванні Галоўнаму рабіну Рыма Рыкарда Дзі Сэньі.

Папа Францішак павіншаваў архіепіскапа Кентэрберыйскага Джасціна Уэлбі з інтранізацыяй, якая адбылася 21 сакавіка. Святы Айцец скіраваў кіраўніку Англіканскай Царквы пасланне, у якім падзякаваў за «цёплыя словы» ў сувязі з яго абраннем на Святы Пасад.

«Я не пакідаю крыж, але новым чынам застаюся побач з Укрыжаваным», — з такімі словамі звярнуўся да вернікаў Святы Айцец Бэнэдыкт XVI падчас сваёй апошняй агульнай аўдыенцыі, якая 27 лютага прайшла на плошчы Святога Пятра. Развітацца з Пантыфікам прыйшлі каля 150 тысяч чалавек.

Святы Айцец Бэнэдыкт XVI даверыў малітоўныя інтэнцыі на 2014 год згодна са звычаем Апостальству малітвы. Гэтыя інтэнцыі прыводзіць новы нумар газеты «L’Osservatore Romano».

Папа Бэнэдыкт XVI скіраваў спачувальную тэлеграму з нагоды смерці бельгійскага кардынала Жульена Рыса, які адышоў у вечнасць 23 лютага ва ўзросце 93 гадоў. Гэты іерарх, якога Пантыфік год таму ўключыў у Калегію кардыналаў, лічыцца заснавальнікам фундаментальнай рэлігійнай антрапалогіі.

«Заахвочваю маладых бразільцаў, каб у Евангеллі Езуса шукалі сэнс жыцця», — з такімі словамі звяртаецца Святы Айцец Бэнэдыкт XVI у пасланні на «Кампанію братэрства», якая распачалася ў Бразіліі 13 лютага, з пачаткам Вялікага посту. Акцыя арганізуецца ў краіне ўжо ў 50-ы раз.

На значэнне сельскай гаспадаркі для эканамічнага росту і патрэбу рэформ у ёй звярнуў увагу Бэнэдыкт ХVI у звароце да ўдзельнікаў 36-й сесіі Міжнароднага фонду сельскагаспадарчага развіцця. Працы гэтай арганізацыі, якая займаецца мабілізацыяй фінансавых рэсурсаў у мэтах павелічэння вытворчасці прадуктаў харчавання і паляпшэння становішча бедных груп насельніцтва, праходзяць у Рыме 13–14 лютага.

Святы Айцец жадае, каб «новыя выклікі і блізарукія прыватныя інтарэсы» не пагражалі дасягненням, зробленым за 50 гадоў пасля падпісання Елісейскага дагавора паміж Германіяй і Францыяй. Аб гэтым напісаў ад імя Папы Дзяржаўны сакратар Яго Святасці кардынал Тарчызіо Бэртонэ да ўдзельнікаў канферэнцыі, якая 7 лютага адбылася ў Папскім Грыгарыянскім універсітэце з нагоды юбілею падпісання гэтага дагавора.