З 4 студзеня наступнага года калекцыянеры змогуць набыць ватыканскі памятны медаль, адчаканены з нагоды Юбілейнага Года Міласэрнасці.

26 снежня Брамы Міласэрнасці ў Надзвычайны Юбілейны Год Божай Міласэрнасці былі адчынены ў санктуарыі св. Андрэя Баболі ў Іванаве. Іх адкрыццё здзейсніў біскуп Пінскі Антоні Дзям’янка.

20 снежня ў парафіяльным касцёле Найсвяцейшай Тройцы ў Бярозе былі адчынены Святыя Дзверы ў Год Божай Міласэрнасці. Урачыстую святую Імшу, прысвечаную адкрыццю Года Міласэрнасці, цэлебраваў біскуп Пінскі Антоні Дзям’янка.

Выданне булы «Misericordiae Vultus» па-беларуску здзейснена пры падтрымцы Ордэну Меншых Братоў Капуцынаў. Пераклад здзейсніла Секцыя па перакладзе літургічных тэкстаў і афіцыйных дакументаў Касцёла пры ККББ.

З аўторка, калі Святы Айцец адчыніў Дзверы Міласэрнасці ў базыліцы святога Пятра ў Ватыкане, праз іх прайшло больш чым 180 тысяч паломнікаў. Ва ўсім свеце, па падліках Папскай рады па справах новай евангелізацыі, адчынена каля 10 тысяч Святых Дзвярэй.

Падчас агульнай аўдыенцыі ў Ватыкане 16 снежня Папа Францішак распавёў пра знакі і сімвалы Юбілейнага Года Міласэрнасці. У першую чаргу Святы Айцец узгадаў адкрыццё Святых Дзвярэй у Рыме і Брам Міласэрнасці ва ўсіх дыяцэзіях свету.

13 cнежня ў дыяцэзіяльным санктуарыі Маці Божай Шкаплернай у Гудагаі былі адчынены Брамы Міласэрнасці. Адчыніў іх дэлегат біскупа Гродзенскага Аляксандра Кашкевіча — дэкан Астравецкага дэканату кс. Юзаф Багдзевіч у прысутнасці шматлікіх вернікаў і святароў.

13 снежня дапаможны біскуп Гродзенскай дыяцэзіі Юзаф Станеўскі адчыніў Брамы Міласэрнасці ў касцёле Узвышэння Святога Крыжа (Фара) у Лідзе. У незвычайнай падзеі прыняло ўдзел шмат вернікаў.

Не баяцца быць міласэрнымі заклікаў дапаможны біскуп Мінска-Магілёўскай архідыяцэзіі Юрый Касабуцкі 13 снежня падчас адкрыцця Святых Дзвярэй у Нацыянальным санктуарыі Маці Божай Будслаўскай.

13 снежня былі адчынены Святыя Дзверы ў Пінскай дыяцэзіі. Адкрыццё Брамы Міласэрнасці ў пінскай катэдры, у Лагішыне і Брэсце здзейсніў біскуп Пінскі Антоні Дзям’янка.

13 снежня ў дыяцэзіяльным санктуарыі Маці Божай Валадаркі азёраў у Браславе біскуп Віцебскі Алег Буткевіч урачыста адчыніў Брамы Міласэрнасці.

13 снежня біскуп Віцебскі Алег Буткевіч адкрыццём Святых Дзвярэй у катэдральным касцёле Езуса Міласэрнага распачаў Год Міласэрнасці ў Віцебскай дыяцэзіі.

13 снежня адбылося адкрыццё Cвятых Дзвярэй у магілёўскай катэдры Унебаўзяцця Найсвяцейшай Панны Марыі і святога Станіслава. Урачыстасць пачалася святой Імшой у парафіі Св. Казіміра і св. Ядзвігі, якую цэлебраваў біскуп вікарый для Магілёўскага рэгіёну Аляксандр Яшэўскі SDB.

Папа Францішак 13 сакавіка 2015 г. абвясціў Надзвычайны Святы Год Міласэрнасці. Ён пачаўся адкрыццём Святых Дзвярэй у базыліцы св. Пятра ва ўрачыстасць Беззаганнага Зачацця Найсвяцейшай Панны Марыі, 8 снежня, і завершыцца 20 лістапада 2016 г., ва ўрачыстасць Пана нашага Езуса Хрыста, Валадара Сусвету.

Адкрыццё Святых Дзвярэй у мінскім архікатэдральным касцёле адбылося 13 снежня, пасля таго, як вернікі ў працэсіі вуліцамі горада ад Чырвонага касцёла прыйшлі да галоўнай каталіцкай святыні сталіцы на плошчы Свабоды.

13 снежня біскуп Гродзенскі Аляксандр Кашкевіч адчыніў Брамy Міласэрнасці ў катэдральным касцёле св. Францішка Ксаверыя.

«Міласэрныя, як Айцец» – дэвіз Святога Года, узяты са словаў Езуса Хрыста: «Будзьце міласэрнымі, як і Айцец ваш міласэрны» (Лк 6, 36). Мэта дэвізу Юбілейнага Года – заахвоціць усіх жыць міласэрнасцю, беручы прыклад з Айца, які просіць аб тым, каб не судзіць, але прабачаць і даваць міласэрнасць і прабачэнне без меры (пар. Лк 6, 37-38).

Дэкрэтам біскупа Гродзенскага Аляксандра Кашкевіча ў Гродзенскай дыяцэзіі ўстаноўлены касцёлы, у якіх будуць адчынены Брамы Міласэрнасці ў Надзвычайны Святы Год Божай Міласэрнасці.

Дэкрэтам біскупа Віцебскага Алега Буткевіча ў Віцебскай дыяцэзіі ўстаноўлены касцёлы, у якіх будуць адчынены ў Юбілейны Год Брамы Міласэрнасці.

Бангі, сталіца Цэнтральнаафрыканскай Рэспублікі, на адзін дзень стала «духоўнай сталіцай свету»: так назваў яе Папа Францішак 29 лістапада падчас цырымоніі адкрыцця Святых дзвярэй у мясцовым архікатэдральным касцёле – першых у рамках святкавання Юбілейнага Года Міласэрнасці.