27 снежня, у свята Святой Сям'і, у 11.00 у магілёўскім катэдральным касцёле Унебаўзяцця Найсвяцейшай Панны Марыі і св. Станіслава распачнецца святая Імша, падчас якой адбудзецца аднаўленне сужэнскіх абяцанняў.

IV чэмпіянат па міні-футболе сярод каталіцкіх святароў Беларусі пройдзе 28 снежня ў Ашмянах. Гродзенская дыяцэзія прымае чэмпіянат ужо ў другі раз.

З 28 снежня па 5 студзеня ў Баранавiчах адбудуцца васьмідзённыя індывідуальныя iгнацыянскiя рэкалекцыi на падставе духоўных практыкаванняў св. Iгнацыя Лаёлы, заснавальніка Таварыства Езуса (Ордэна езуітаў).

З 8 па 30 снежня Мітрапаліт Мінска-Магілёўскі арцыбіскуп Тадэвуш Кандрусевіч і дапаможныя біскупы Юрый Касабуцкі і Аляксандр Яшэўскі SDB з нагоды калядных святаў сустрэнуцца са святарамі, кансэкраванымі асобамі, студэнтамі і выкладчыкамі, медперсаналам і хворымі, моладдзю і дзецьмі, дзяржаўнымі служачымі, прадпрымальнікамі, архітэктарамі і будаўнікамі, навукоўцамі, дзеячамі культуры, настаўнікамі, выхавацелямі і катэхетамі архідыяцэзіі. 

З нагоды 70-гадовага юбілею Мітрапаліта Мінска-Магілёўскага арцыбіскупа Тадэвуша Кандрусевіча 2 студзеня ў 12.00 адбудзецца святая Імша падзякі ў архікатэдральным касцёле Імя Найсвяцейшай Паны Марыі ў Мінску.

1 студзеня ксёндз прэлат Юзаф Трубовіч, найстарэйшы святар Гродзенскай дыяцэзіі, адзначыць 90-ю гадавіну свайго нараджэння. У гэты дзень ксёндз прэлат будзе дзякаваць Богу за дар святарства і за ўсіх людзей, якіх Пан паставіў на яго жыццёвым шляху.

Piligrymka.by запрашае прыняць удзел у 38-й Агульнаеўрапейскай сустрэчы моладзі Тэзэ, якая будзе праходзіць у Валенсіі (Іспанія) з 28 снежня 2015 года па 1 студзеня 2016 года.

Прадстаўляем расклад святых Імшаў на Божае Нараджэнне, заканчэнне года i Новы год у парафіях горада Гроднa.

Рэкалекцыі «Распазнанне паклікання» адбудуцца 3-5 студзеня ў будынку Вышэйшай духоўнай семінарыі ў Гродне (вул. Парыжскай Камуны, 1).

Сёстры назарэтанкі запрашаюць дзяўчат (ад 9 да 11 класа ўключна) на калядную сустрэчу, якая пройдзе з 4 па 6 студзеня ў Навагрудку.

З 5 снежня па 6 студзеня ў Віцебскай дыяцэзіі пройдзе XVI Фестываль «Дні хрысціянскай культуры».

З 1 па 5 студзеня і з 7 па 11 студзеня ў Баранавiчах пройдуць ігнацыянскія рэкалекцыi на тэму «Уводзiны ў iгнацыянскую малiтву». 

13 студзеня прыпадае 25-я гадавіна смерці ксяндза Пятра Барташэвіча, які апошнія гады свайго жыцця быў пробашчам парафіі Унебаўзяцця Найсвяцейшай Панны Марыi ў Жалудку (Гродзенская дыяцэзія).

Паслухаць калядкі і пастаралкі ў аўтарскай апрацоўцы адной з найбольш знакамітых музычных сем’яў у Польшчы — Паспяшальскіх — можна будзе ў Гродне і Мінску.

Святая Імша адбудзецца ў парафіяльным касцёле Унебаўзяцця Найсвяцейшай Панны Марыі ў Адэльску 15 студзеня а 18-й гадзіне. Імшу ўзначаліць Мітрапаліт Мінска-Магілёўскі арцыбіскуп Тадэвуш Кандрусевіч.