| «Хрыстос уваскрос!»: гісторыя аднаго фотаздымка |
| Беларусь - Мінска-Магілёўская архідыяцэзія |
| 01.04.2013 21:11 |
|
«Гэты здымак я добра памятаю. Ён удала „ўпісаўся” на паласу. Тэма каталіцтва і хрысціянства ўвогуле мяне тады вельмі прываблівала, зрэшты як і сёння. У пачатку 90-х, калі людзям дазволілі маліцца і пачалі адкрываць святыні, я вельмі многа здымаў. Католікаў, праваслаўных, святыні і святароў. Шмат здымаў кардынала Свёнтка. Яго візітацыі, каранацыю абраза ў Будславе…» Паказваючы і іншыя здымкі той пары, фатограф прызнаецца: «Самае каштоўнае для мяне ў гэтых фота — вера людзей. Я на праўду быў вельмі ўражаны людской верай, якую большасць з іх пранесла праз вайну і гады атэізму, каб перадаць наступнаму пакаленню. Памятаю, як у адной вёсцы сустрэў 102-гадовую бабулю. У адказ на пытанне пра сваё даўгалецце, жанчына адказала: усё проста — нікога не ашуквай, дапамагай бедным і вер Богу. Да сёння памятаю яе словы…» Здымак з хлопчыкам у зялёнай альбе ў архіве Анатоля Клешчука раздрукаваны памерам 10х15 і захоўваецца ў папцы з назвай «Каталіцтва». Побач з ім — здымкі з іншымі сюжэтамі. На кожным з фота нібы свой час, які спыніўся. «Гэтага хлапчука я фатаграфаваў каля Чырвонага касцёла. Была вясна. А вось час дакладна і не ўзгадаю. Здаецца, Пальмовая нядзеля. Я ішоў каля касцёла і заўважыў купку міністрантаў, якія стаялі, рыхтуючыся да Імшы. Гэтага хлопца я прыкмеціў адразу — ён быў вышэйшым за астатніх. А здымак гэты, калі я не памыляюся, быў пастановачным: я прасіў міністрантаў прабегчы з крыжом. Хлопчыкі неяк засаромеліся, але гэты міністрант — не. Малайчына. „Картачка” атрымалася». 
Ксёндз Дзмітрый Дубовік (той самы хлопчык у зялёнай альбе) фота са «Звязды» добра памятае. «Звяздоўскую» перадавіцу з яго выявай яму прынесла адна з супрацоўніц газеты — маці яго лепшага сябра. Узгадваючы фатографа, кс. Дзмітрый дадае: Ілья Лапато OCDS   |
Хлопчык з крыжом у руках у зялёнай альбе бяжыць насустрач фатографу. Гэты здымак у пачатку 2000-х выйшаў на першай паласе «Звязды». Акурат на Вялікдзень. Пад фота быў подпіс: «Хрыстос уваскрос!». У той час звяздоўскі фатограф не здагадваўся, што герой яго здымка стане святаром…
для друку
