21 лютага 2010 г. у парафіі Святога Апостала Андрэя ў Лынтупах (Віцебская дыяцэзія, Пастаўскі дэканат) адбылася сустрэча парафіяльных груп каталіцкіх скаўтаў FSE з усёй Беларусі. 22 лютага, у дзень нараджэння заснавальніка скаўцкага руху Роберта Бадэн-Поўэла, ва ўсім свеце адзначаецца Дзень братэрскай думкі і праходзяць сустрэчы ў скаўцкіх сем’ях.

Пасля святой Імшы ў лынтупскай парафіі адбылася сустрэча скаўтаў і выступленні ўдзельнікаў руху, прысвечаныя заснавальніку скаўтызму.

Рух скаўтаў заснаваны на методыцы выхавання моладзі на базе кантакту з прыродай і супрацоўніцтва з самімі маладымі людзьмі ў выхаваўчым працэсе.

Кс. Павел Кнурэк